Voleybol

------------------

"Xarı Bülbül" Avrokubokun 1/16 finalına məğlubiyyətlə başlayıb

Bu gün kişi voleybol klublarının mubarizə apardığı Avrokubok yarışlarının Çellenc (Caqiriş) Kubokunun 1/16 final mərhələsinin ilk oyunları keçirilib. Bu turnirdə ölkəmizi təmsil edən Azərbaycanın vitse-cempionu "Xarı Bülbül" (Şuşa) klubu doqma duvarlar arasinda Yunanıstanın "Panathinaikos " klubunu qəbul edib. Bakı Voleybol Mərkəzində baş tutan bu görüşdə qonaq komanda daha yaxşı oynayaraq quru hesablı qələbə qazanıb - 0:3 (20:25, 17:25, 20:25).

Qeyd edək ki, görüş qonaq komandanın açıq-aşkar bir baş üstünlüyü ilə diqqəti çəkib. Bir sözlə, oyunda təcrübə öz sözünü deyib. İlk iki set əvvəldən axıradək qonaq komandanın üstünlüyü ilə keçib. Üçüncü setdə Şuşa təmsilçisi oyunda dönüş yaradaraq təşəbbüsü ələ almaqi bacarıb (3:1, 11:6, 17:12). Lakin gözlənilmədən afinalilar fəallığı bir qədər artırmaqla əvvəlcə bərabərliyə (20:19, 20:20) sonra isə yenidən üstünlüyə (20:21, 20:23, 20:25) nail olublar.

Cavab oyunu noyabrin 29-da Yunanıstanın paytaxtı Afinada keçiriləcək. Qeyd edək ki, rəqiblə müqayisədə yetərincə təcrübəyə malik olmayan Şuşa təmsilçisi üçün cavab oyunu olduqca çətin olacaq. 

Bir məqamı da qeyd edək ki, bu cütün qalibi 1/8 finalda "Spotinq" (Portuqaliya) - "Mint vero" (İtaliya) qarşılaşmasinin qalibiylə üzləşəcək.

İNTİQAM Məmmədov