Futbol

---------------------

Azərbaycan millisi AÇ-2024-ün seçməsində İsveç yığmasını darmadağın edib

Dünən futbol üzrə Avro-2024-un seçmə qrup oyunları çərçivəsində növbəti turun görüşləri keçirilib. Turnirin F qrupunda yer alan Azərbaycan millisi hesabat turunda İsveç yığmasını qəbul edib. Qeyd edək ki, Tofiq Bəhramov adına Respublika stadionunda keçirilən və taleyi isveçrəli qadin referi Ester Ştoybliyə həvalə edilən qarşılaşma millimizin böyük hesablı qələbəsi ilə başa çatıb - 3:0.

Uzun illərdən sonra nəhayət ki, millimiz öz azarkeşlərinə bolluca sevinc bəxş edə bilib. İlk dəfə olaraq Azərbaycan komandası matçın 6-ci dəqiqəsində rəqib qapısına iki qol vurmağı bacarıb. 

Matçın 3-cu dəqiqəsində yığmamızın kapitanı Emin Mahmudov Renat Dadaşovun ötürməsini qola çevirməklə hesabı açıb - 1:0. Bundan 3 dəqiqə sonra isə Dadaşov özü dəqiq zərbə ilə hesabı 2:0-a çatdırıb. 

Matçda son nöqtəni də kapitanimiz qoyub. 86-ci dəqiqədə yığmamız meydanda azlıqda qaldığı bir vaxtda rəqib qolkiperin qapıdan xeyli irəli çıxdığı görən Mahmudov paraşüt üsulla topu onun başı üzərində qapı toruna salmışdı. Bununla da dubl edən kapitanimiz hesabı 3:0-a çatdırıb. Bu qələbə sayəsində millimiz qrupda mövqeyini deyişməsə də aktivindəki xalların sayını 7-yə çatdırmaqla İsveçi haqlayıb.

F qrupunda keçirilən digər oyunda isə Avstriya komandası səfərdə Estoniyanı 0:2 hesabla udub. Bu qələbədən sonra xallarının sayının19-a çatdıran Avstriya millisi qrupda liderliyi ələ alıb. 

Qeyd edək ki, yığmamız növbəti matçını noyabrın 19-da Belçikada yerli komandaya qarşı keçirəcək.

Hazırda F qrupunda vəziyyət belədir:

Komanda  O  Q  H  M  T/F  X

Avstriya  8  6  1  1  17-7  19

Belçika  7  6  1  0  17-4  17

İsveç  7  2  1  4  12-12  7

Azərbaycan  7  2  1  4  7-12  7

Estoniya  7  0  1  6  2-20

İNTİQAM Məmmədov