Futbol

----------------

Azərbaycan millisi İsveçi qəbul edəcək

Bu gündən etibarən Avropada yenidən ikigünlük futbol həyəcanı başlayır. Söhbət Avro-2024-un seçmə qrup oyunları çərçivəsində növbəti turun qarşılaşmalarından gedir. Bizlər üçün maraqlı oyunlardan biri Azərbaycan yığmasının iştirakı ilə keçiriləcək. Qeyd edək ki, turnirin F qrupunda yer alan yığmamız bu gün Tofiq Bəhramov adına respublika stadionunda İsveç millisini qəbul edəcək. Maraqlıdır ki, saat 19:00- da başlanacaq oyunu isveçrəli qaıin referi Ester Ştoybli idarə edəcək. Yeri gəlmişkən, Ester kişilər arasında keçirilən AÇ- nin seçmələrini idarə edən ilk İsveçrəli qadın referi kimi tarixə düşəcək. 

Bu gün F qrupunda keçiriləcək digər oyunda isə Estoniya Avstriyanı qəbul edəcək. 

Bu gün F qrupu ilə yanaşı, digər qruplarda da oyunlar keçiriləcək.

A qrupunda: Gürcüstan - Şotlandiya, Kipr - İspaniya;

G qrupunda: Bolqarıstan - Macarıstan, Montoneqro - Litva;

J qrupunda: Slovakiya - İslandiya, Lüksemburq - Bosniya, Lixtenşteyn - Portuqaliya;

Sabah isə E, H və C qrupunda oyunlar keçiriləcək.

Onu da qeyd edək ki, artıq bir neçə komanda vaxtından əvvəl Avro-2024-un Almaniyada keçiriləcək final mərhələsinə vəsiqə qazanıb.

Azərbaycanın yer aldığı F qrupunda vəziyyət belədir:

Komanda   O  Q  H  M  T/F  X

Belçika  7  5  2  0  17-4  17

Avstriya  7 5  1  1  15-7  16

İsveç  6  2  1  3  12-9  7

Azərbaycan  6  1  1  4  4-12  4

Estoniya  6  0  1  5  2-18  1

İNTİQAM Məmmədov