FUTBOL

-----------------

"Harri Keyn bütün hallarda Erlin Holannan güclüdür"

Bu sözlərin müəllifi İngiltərə millisinin sabiq forvardı Daniel Starricdi. O, "Bavariya"nın forvardı Harri Keyni "Mançester Siti"nin hücumçusu Erlin Holannla müqayisə edərkən belə bir fikir söyləyib. 

"Harri hazırda mükəmməl və nöqsansız bir futbolçudur. Hesab edirəm ki, bu haqda əlavə diskusiya etməyə ehtiyac yoxdur. Bu haqda mənim köhnə komanda yoldaşlarım deyirlər. Ona qarşı oynayan hər bir müdafiəçi onun nəyə qadir olduğunu yaxçşı bilir. O, hərtərəfli oyuna malik bir futbolçudur ki, istədiyi yerdə yüksək sviyyə nümayiş etdirə bilir. Onunla üzləşən müdafiəçilər hamısı yaxşı bilir ki, Harri mütləq qol vuracaq. Erlin Holannın ondan güclü olduğunu heç ağlıma da gətirmirəm. Holann Keyndən güclü forvard deyil. Amma Keynin Holanndan gclü forvard olduğunu  deyə bilərəm" - Starric "Sky Sports"-in efirindən belə deyib. 

Yeri gəlmişkən, Harri Keyn bu ilin yayında "Tottenhem"dən "Bavariya"ya transfer edib. 30 yaşlı ingilis forvard cari mövsümdə "Bavariya"nın heyətində 15 oyunda 19 qol və 7 məhsuldar ötürmə ilə yadda qalıb. 

Erlin Holanna gəlincə, o, "şəhərlilər"in heyətində meydana çıxdığı 17 oyunda 15 qol və 3 məhsuldar ötürmə ilə diqqət çəkib. 

İNTİQAM Məmmədov