UNİVERSİADA 

------------------------

Azərbaycan Universiadada daha bir qızıl medal qazanıb

Medallarımızın sayı isə 26-ya çatıb

Qazaxıstanda 2-ci Tük Dövlətləri Universiadası keçirilir. Bu yarışda Azərbaycan 4 idman növündə (cüdo, stolüstü tennis,  yunan-Roma güləşi və sərbəst güləş) 38 idmanşı ilə təmsil olunur. Qeyd edək ki, Universiadanın ilk günü olduğu kimi, bu günə təsadüf edən ikinci gün də yığmamız üçün uğrlu olub. Mübarizəyə qatılan cüdoçularımız və yunan-Romaçılarımız (güləş) bu gün 4-ü qızıl, 2-cs gümüş və 7-si bürünc əyarlı olmaqla 13 medal qazanıblar. Bunlardan 7-si (2-1-4) cüdoçuların, 6-sı (2-1-3) isə klassiklərin payına düşüb.   

Cüdo güləşində qızıl medallar bütün görüşlərini qələbə ilə bitirən Südabə Ağayeva (70 kq) və Camal Feyziyevin (+10 kq), gümüş yalnız həlledici finalda büdrəyən Elnarə Rəşidovanın (+78 kq), bürüncləır isə çıxışını 3-cü yerdə başa vuran Nihad Şıxəlizadə (90 kq), İlkin Baxşəliyev (100 kq), Nərmin Əmirli (78 kq) və Nigar Süleymanovanın aktivinə yazılıb. 

Yunan-Roma güləşində isə Murad Əhmədiyevlə (90 kq) Sərxan Məmmədov (130 kq) qızıl, Fərid Xəlilov (67 kq) gümüş, Pərviz Dadaşov (60 kq), Fərid Baxışlı (63 kq0 və Davud Məmmədovsa (77 kq) bürünc medal qazanıb.

Xatırladaq ki, idmançılarımız dünən də 13 (3-5-5) medal qazanıblar. 

Hazırda Azərbaycanın aktivində 26 (7-7-12) medalı var. 

İNTİQAM Məmmədov