Voleybol

-------------

AVF və TVF arasında əməkdaşlıq memorandumu imzalanıb

Bu gün Bakı Voleybol Mərkəzində Azərbaycan Voleybol Federasiyasınin (AVF) rəhbərliyi, qurumun nümayəndələri, eləcə də ölkəmizdə səfərdə olan CEV (Avropa Voleybol Konfederasiyası), TVF (Türkiyə Voleybol Federasiyası), BVF- nin (Bolqarıstan Voleybol Federasiyası) rəhbərləri arasında görüş olub. 

Görüşdə qadın yığmamızın meneceri Səbinə Babayeva yeniyetmə qızlar və oğlanların yığma komandalara cəlb edilməsi istiqamətində görülən işlərdən danışıb. Beynəlxalq əməkdaşlıq üzrə menecer Nərgiz İsmayılova, çimərlik voleybolu üzrə menecer Orxan Hüseynzadə və AVF-nin idman direktoru Vüqar Hüseynzadə cavabdeh olduqları sahələr haqda məlumat verib. 

Sonra tədbirdə AVF ilə TVF arasında Əməkdaşlıq Memorandumu imzalanıb. Sənədə AVF prezidenti Şahin Bağırov və TVF-nin prezidenti Akif Üstündaq imza atıb. 

İmzalanma mərasiminin ardından TVF prezidenti çıxış edərək bildirib ki, bu sənəd hər iki qurum arasında əlaqələrin genişləndirilməsinə tohvə verəcək. O, bir millət, iki dövlət olaraq hər zaman qardaş ölkə Azərbaycanın yanında olduqlarını bildirib. 

Daha sonra isə AVF prezidenti Şahin Bağırov qurumlar arasında imzalanmış Memorandumun məqsədindən və həmçinin TVF-la birgə görüləcək işlərin əhəmiyyətindən bəhs edib. 

Azərbaycan voleybolunun yaxın gələcəkdə böyük uğurlar qazanacağına əmin olduğunu vurğulayan Şahin Bağırov sonda ölkəmizdə səfərdə olan bütün qonaqlara minnətdarlığını bildirib.

İNTİQAM Məmmədov