Mini-futbol

-----------------

Azərbaycan komandası DÇ-2023-ün pley-off mərhələsində

BƏƏ-də mini-futbol üzrə keçirilən və Azərbaycan yığmasının da iştirak etdiyi dünya çempionatında qrup oyunlarına bu gün üçüncü turun oyunları ilə yekun vurulub. Mundialin G qrupunda yer alan Azərbaycan komandası hesabat turunu da qələbə ilə bitirərək, yüz faizli nəticə göstərməklə DC- nin pley-off mərhələsinə keçib. Qeyd edək ki, baş məşqçisi Elşad Quliyev olan Azərbaycan millisi son turda Küveyt komandasını üstələyib - 3:1. Maraqlıdır ki, oyunda ilk qolu rəqib vursa da, qələbə sevincini yaşayan Azərbaycan komandası olub. Matçın 15-ci dəqiqəsində Cəfər Cəfərov bərabərlik qolunu vurub - 1:1. 38- ci dəəlqiqədə Mirmehdi Rzayev dəqiq zərbə ilə hesabı 2:1-ə çatdırıb. Oyunda son nöqtəni isə 44-cu dəqiqədə Təmkin Xəlilzadə qoyub - 3:1.

Yeri gəlmişkən, 17-ci dəqiqədə Küveyt yiqmasi penaltini qola çevirə bilməyib. 24-cü dəqiqədə isə Əlizadə eyni fürsətdən yararlana bilməyib. Xatırladaq ki, millimiz startda İrak (2:0) komandasını, ikinci turda isə Mısır (4:1) millisini məğlub etmişdi. 

Bununla da öz qrupunun vahid lideri olan və AC-2022- min qalibi adını daşıyan  Azərbaycan mundialın pley-off mərhələsinə vəsiqə qazanıb. Yığmamız pley-offda H qrupunun lideri ilə qarşılaşacaq. 

G qrupunda yekun turnir cədvəli belədir:

Komanda  O  Q  H  M  T/F  C

Azərbaycan  3  3  0  0  9-2  9

Misir  3  2  0  1  7-6  6

İrak  3  0  1  2  7-11  1

Küveyt  3  0  1  2  6-10  1

İNTİQAM Məmmədov