FUTBOL

----------------

"Ulduz" Futbol Akademiyasının açılışı olub

Bu gün Şağan qəsəbəsindəki Olimpiya İdman Kompleksində "Ulduz" Futbol Akademiyasının açılış mərasimi oldu. Açılşşdan öncə dövlət himnimiz səsləndi və torpaqlarımızın azadlığı uğrunda canlarından keçən şəhidlərin xatirəsi bir dəqiqlik süküutla yad edildi. 

Bundan sonra isə təqdbirdə iştirak edən rəsmilər çıxış etdilər. İlk çıxış edən Akademiyanın direktoru Mehman Alimov "Ulduz" Futbol Akademiyası haqqında geniş məlumat verdi. Akademiyanın məqsəd və vəzifəsindən bəhs etdi. O, qeyd etdi ki, hazırda Akademiyada 4 yaş qrupu üzrə (U-10, U-11, U-12 və U-13) komanda yaradılıb. Bu komandalar isə 800 uşaq arasından seçilərək komplektləşdirilib. Onun verdiyi məlumata görə, bu 4 qrupun hamısı hazırda AFFA-nın uşaqlar arasında keçirdiyi yarışda çıxış edir. 

Ardından söz alan Gənclər və İdman Naziri Fərid Qayıbov bu il ölkəmizdə Ulu Öndər Heydər Əliyevin 100 illik yubileyi münasibəti ilə bir sıra daxili və beynəlxalq yarışların təşkil edildiyini vurğuladı. Nazir yeni yaranan Akademiyanın yeniyetmə futbolçularından danışdı və bu futbol ocağının açılış mərasimini futbol bayramı adlandırdı. 

Daha sonra tədbirdə iştirak edən Elm və Təhsil Nazirinin müavini Firudin Qurbanov, AFFA-nın baş katibi Sərxan Hacıyev, sözügedən akademiyanın təhsisçisi Nazim Süleymanov və eləcə də 4 yaş qrupu üzrə olan komandaların kapitanları olan balaca futbolçular çıxış etdi. 

Tədbir balaca futbolçuların nümunəvi cıxışları və tort kəsilməsi ilə başa çatdı.

Qeyd: "Ulduz" FA 2023-cü ilnmay ayında Gənclər və İdman Nazirliyinin dəstəyi ilə yaradılıb. Hazırda Akademiyada 69 lisenziyalı məşqçi fəaliyyət göstərir. 

İNTİQAM Məmmədov