Futbol

--------------

Azərbaycan yığması doğma divarlar arasında Avstriyaya məğlub olub

Bu gün Avropada yenidən futbol həyəcanı yaşayıb. Söhbət futbol üzrə Avro-2024-un seçmə qrup mərhələsində sayca 7-ci olan növbəti turun oyunlarından gedir. Qeyd edək ki, Köhnə Qitənin futbol bayramlarını hər zaman qəm- qüssə ilə qeyd edən azərbaycanlı futbol azarkeşləri bu dəfə də sevincə həsrət qalıblar. Çox yazıqlar olsun ki, Avropanın futbol bayramı Azərbaycanda bayram kimi qarşılansa da, bayram sevinci ilə yola salinmayib.

Belə ki, Avro-2024-un seçmələri çərçivəsində F qrupunda yer alan Azərbaycan millisi bu gün Bakıda yerləşən Tofıq Bəhramov adına Respublika stadionunda Avstriya yiqmasini qəbul edib. Baş hakimi yunanıstanlı Aristotel Diamantopulos olan qarşılaşma qonaq komandanın minimal hesablı qələbəsi ilə bitib. Matçın taleyini həll edən qol 48-ci dəqiqədə penaltı zərbəsi ilə vurulub. Belə ki, 47-ci dəqiqədə yiqmamizin qapısına təyin edilən cərimə zərbəsindən sonra top yiqmamizin üzvü Rahil Məmmədovun qoluna deyərək istiqamətini dəyişib. Hakimin buna görə qapımıza təyin etdiyi penaltı zərbəsini ikinci hissənin əvvəlində meydana çıxan Marsel Zabittser yerinə yetirib. Hədəfdən yayınmayan avstriyalı futbolçu 48-ci dəqiqədə hesabı açıb - 0:1. Yiqmamizin təcrübəli qolkiperi Şahruddin Maqomedov topun istiqamətin müəyyən etsə də.....

Azərbaycan yığması yalnız matça əlavə edilən vaxtda (90+1) hesabı bərabərləsdimək imkanı qazanıb. Təəssüflər olsun ki, bütün oyun ərzində yiqmamizin ən fəal və aparıcı oyunçusu təsirini bağışlayan Toral Bayramovun yaxın məsafədən vurduğu qüvvətli zərbədən sonra top qapı dirəyini yalayaraq meydandan çıxıb. Bu oyun zamanı yiqmamizin hesabı bərabərləsdirməsi üçün son şansı olub. Oyunun bitməsinə bir dəqiqə qalmış (90+4) qonaq komandanın bir oyunçusunun qırmızı kartla meydandan qovulması da yiqmamizin işinə yaramayib.

Beləliklə, Avro-2024-un start turunda Avstriyaya səfərdə 1:4 hesabla məqlub olan Azərbaycan millisi indi isə evdə bu komandaya məqlub olub. Bunu la da Azərbaycan yiqmasi ilə iki oyunda maksimum (6) xal qazanan Avstriya komandası Belçikadan sonra F qrupundan Avro-2024-un final mərhələsinə vəsiqə qazanan ikinci komanda olub.

Bu axşam qrupda daha bir oyunda Belçika İsveci qəbul edəcək. 

F qrupunda komandaların vəziyyəti belədir:

Komandalar   O   Q   H   M   T/F   X

Belçika   6   5   1   0   16:3   16

Avstriya   7   5   1   1   15:7   16

İsveç   5   2   0   3   11:8   6

Azərbaycan   6   1   1   4   4:12   4

Estoniya   6   0   1   5   2:18   1.

İNTİQAM Məmmədov