Voleybol

---------------

AVF prezidenti Şahin Bağırov Naxçıvan MR-da olub

Azərbaycan Voleybol Federasiyasının (AVF ) prezidenti Şahin Bağırov sentyabrın 28-də Naxçıvan Muxtar Respublikasında olub və orada voleybol ictimaiyyəti, eləcə də yerli idman ictimaiyyəti ilə görüşüb. AVF-dan verilən məlumata görə, İlham Əliyev adına Olimpiya İdman Kompleksində baş tutan görüşdə MR-nin Gənclər və İdman Naziri vəzifəsinin səlahiyyətlərinin icra edən Məcid Seyidov, Naxçıvan Voleybol Federasiyasınin prezidenti Vüqar Əliyev, yeniyetmə və gənc qızlardan ibarət yiqmalarin türkiyəli baş məşqçisi Şahin Çatma və sair nümayəndələr iştirak ediblər. 

Çıxış edərək hər kəsi salamlayan Şahin Bağırov ölkəmizdə köklü idman ənənələrinin olduqunu və əsası Ulu Öndər Heydər Əliyev tərəfindən qoyulan idman siyasətinin ölkə başçısı İlham Əliyevin rəhbərliyi altında uğurla davam etdirildiyini nəzərə çatdırıb. İdman sahəsində qazanılan uğurlardan söhbət açan AVF prezidenti rəhbərlik etdiyi qurumun qarşısına qoyulan məqsəddən də söz açıb. O, qeyd edib ki, əsas AVF-nin əsas məqsədi ölkədə voleybol idman növünün davamlı inkişafını təmin etməkdir. Şahin Baqirov qurumun qarşısına qoyulan planların layiqincə yerinə yetirilməsi üçün müvafiq qurumlara əməkdaşlıqın davam etdiriləcəyini də dilə gətirib. 

Tədbirin sonunda qonaqlar və yerli idman ictimaiyyəti Naxçıvanın kişi komandaları arasında keçirilən yoldaşlıq görüşünü izləyiblər. 

İNTİQAM Məmmədov