MİNİ-FUTBOL

-------------------

"Zəngəzur" AK- nin yarımfinalında məğlub oldu

Təmsilçimiz 3-cu yer uğrunda "Nova Vita"yla üzləşəcək

Bolqarıstanda mini-futbol üzrə keçirilən və Azərbaycan təmsilçisi "Zəngəzur" klubunun da iştirak etdiyi UEFA Avropa Kuboku davam edir. Bu gün turnirdə yarımfinal mərhələsinin oyunları keçirilib və bununla da finalçılar bəlli olub. Qeyd edək ki, iki yarımfinal oyunundan biri "Zəngəzur"un iştirakı ilə baş tutub. Azərbaycan komandası finala çıxışda Rumıniyanın "Borussiya" klubu ilə qarşılaşib. Təəssüflər olsun ki, bu mərhələyədək məqlubiyyətin nə olduğunu bilməyən "Zəngəzur" bəlli qarşılaşmadan məqlub ayrılıb - 2:0. Bununla da çempionluq şansını itirən "Zəngəzur" üçüncü yer uğrunda görüşməli olacaq. Rəqib isə Rumıniyanın digər klubu - "Nova Vita" klubudur. Xatırladaq ki, "Zəngəzur" qrup mərhələsində ikinci yeri tutmaqla pley-offa (1/8 finala) yüksəlmişdir. Burada Bolqarıstanın. "Mexkit" klubunu 1:0 hesabla udaraq 1/4-ə yüksəlmiş və bu mərhələdə isə İzrailin "Red Mit Tadrian" klubunu penaltı seriyasında 5:4 hesabla məqlub etmişdi. Qrupda isə, meydan sahibi "Qalaktika Vartsa" ni 2:0 məqlub edən "Zəngəzur" TMT-la (Yunanıstan) 1:1, "Veşka Olomuts"la isə 3:3 hesabla heç-heçə oynamışdı.

İNTİQAM Məmmədov