GÜLƏŞ

----------------

Xetaq Qazyumov: "Olimpiya çəkilərində çox mübariz heyətimiz var"

Azərbaycanın sərbəst güləş üzrə yığmasının baş məşqçisi sentyabrın 16-da Belqradda (Serbiya) start götürəcək lisenziya xarakterli dünya çempionatından öncə başçılıq etdiyi komandayla bağlı mətbuata açıqlama verib. Əsasən qarşıya qoyulan məqsəddən söhbət açan maşəqçi deyib: 

"Bizim komandada olimpiya çəkiləri üzrə mübariz heyətimiz var. Digər çəkilərdə isə əsasən gənclərə yer vermişik. Burada ümidlərimiz çoxdu. Yığmanın liderlərindən biri olan Əliabbas Rzazadədən (57 kq) həm lisenziya. həm də mundialın qızıl medalını gözləyirik. 65 kq-da Hacı Əliyevə ümidimiz çoxdur. Onun Olimpiadada iştirak etmək kmi təcrübəsi var. Hacı çox yaxşı formadadır. Ümid edirəm ki, onun qalib gəlmsində heç bir problem olmayacaq. 74 kq-da Turan Bayramovun qalib gələcəyinə ümid edirik. O, qalib gəlməyə tam hazırdır. Bayramov reytin xarakterli turnirdəki sınaqdan da uğurla çıxıb.  Dünya və Avropa çempionatının mükafatçısı olan Abubəkr Abakarov (86 kq) da iddialıdır. Düzdür, onun çəkisində Yazdani və Teylor kimi güləşçilər mübarizə aparacaqlar. Bununla belə ümid edirəm ki, Abakarov onları da keçə biləcək. 97 kq-da mübarizə aparan Maqomedxam Maqomedov bu çəkinin liderlərindən biridir. O, mundiala yüksək səviyyədə hazırlaşıb. Bu talantlı güləşçi hətta Olimpiadanı da uda bilər. Ən ağır çəkidə olanımız Qiorqi Meşvildişvili (125 kq) demək olar ki, yenicə bərpa olduğu üçün qələbəyə çox susayıb. Biz ondan da yaxşı nəticə gözləyirik" - deyən Qazyumov komandasının minimum 6 lisenziya qazanmasını qarşıya məqsəd qoyduğunu da gizlətməyib. 

İNTİQAM Məmmədov