TENNİS

-------------------

Novak Cokoviç "US Openi"i udaraq yenidən dünya liderinə çevrilib

O, finalda rusiyalı Daniil Medvedevi məğlub edib 

Nyu-Yokda (ABŞ) tennis üzrə keçirilən və "Böyük Dəbilqə" seriyasından olan "US Open2023"də kişilərin də yarışına yekun vurulub. Turnirin həlledici final matçında dünyanın 2 nömrəıli raketka ustası sayılan serbiyalı Novak Cokoviçlə rusiyalı tennisçi, dünyanın 3 nömrəlisi olan Daniil Medvedev qarşılaşıb. Qarşılaşma 36 yaşlı Cokoviçin qələbəsi ilə başa çatıb - 6:3, 7:6 (7:5), 6:3. Bu qələbə sayəsində serbiyalı tennisçi yenidən ATR-ın reytinq cədvəlində liderliyi ələ alaraq, dünyanın bir nömrəli raketka ustasına cevrilib. Turnirin qalibi olduğu üçün aktivinə 2000 reytinq xalı yazdıran Cokoviç xallarının sayını 11795-ə çatdırıb. Bundan sonra liderlik mövqeyini itirən ispaniyalı tennisçi Karlos Alkaras 8535 xalla ikinci pilləyə düşüb. Finalda Cokoviçə məğlub olan ruslyalı Daviid Medvedevsə 7280 xalla yenə də reytinq cədvəlində 3-cü pillədə qalıb. Turnirin qalibi olduğu üçün 2000 reytinq xalı qazanan Cokoviç eyni zamanda 3 milyon dollar da qazanıb. Finalda büdrəyən Medvedev isə 1300 xal və 1,5 milyon dollara sahib çıxıb. 

Bir məqamı da qeyd edək ki, serbiyalı raketka ustası bu qələb ilə "US Open-2021"in finalında Medvedevə məğlub olduğunun əvəzini çıxıb. İndi bu cütlüyün arasındakı qələbə nisbəti 10:5 olmaqla Cokoviçin xeyrindir. 

"US Open-2023"dən sonra ATR-ən reytinq cədvəlində vəziyyət belə olub (Top-10):

1 (2). Novak Cokoviç (Serbiya) — 11795 xal

2 (1). Каrlos Аlkaras (İspaniya) — 8535

3 (3). Даniil Medvedev (Rusiya) — 7280

4 (4). Хоlqer Rune (Даnimarka) — 4710

5 (7). Stefanoc Tsitsipas (Yunanıstan) — 4615

6 (8). Аndrey Rublev (Rusiya) — 4515

7 (6). Yanik Sinner (İtaliya) — 4465

8 (9). Тüylor Frits (ABŞ) — 3955

9 (5). Каsper Ruud (Norveç) — 3560

10 (12). Аleksandr Zverev (Almaniya) — 3030

İNTİQAM Məmmədov