CÜDO

--------------------------

8 Azərbaycan cüdoçusunun Paris-2024-ə lisenziya qazanmaq şansı var 

Beynəlxalq Cüdo Federasiyası (İJF) tatami ustalarının yeni reytinq cədvəlini elan edib. Yeni cədvələ əsasən demək olar ki, Azərbaycan yığmasının 8 üzvünün Paris-2024-ə lisenziya qazanmaq şansı var. Qeyd edək ki, reqlamentə əsasən həm kişilərin, həm də qadınların reytinq cədvəlində hər çəki dərəcəsində ilk 17 yeri tutan cüdoçu 2024-cü ildə Parisdə (Fransa) keçiriləcək Olimiada-2024-ə lisenziya qazanmış olacaq. Hazırki vəziyyətdə Azərbaycan yığmasının 8 üzvünün belə bir şansı var. Bunlardan isə 7-si kişi, 1-i isə qadın cüdoçudur. Kişilərdən bu şanslılar sırasınsa Səid Mollai (81 kq, 3083 xalla reytinq cədvəlində 3-cüdür. 60 kq-da güləşən Balabəy Ağayev (2688 xalla 4-cüdür), 100 kq-da Zəlim Kotsayev (3060 xalla 4-cüdür), 73 kq çəkidə Hidayət Heydərov (2398 xalla 6-cı), +100 kq-da Uşanqi Kokuari (2089 xalla 8-ci), 60 kq-da Turan Bayramov (1735 xalla 15-ci) və 90 kq çəki dərəcəsində güləşən Murad Fətiyev (1504 xalla 15-ci) yer alıb. Qadınlardan isə hələlik yalnız Gültac Məmmədəliyeva (52 kq) 1480 xalla reytinqdə 11-ci yerdə olmaqla bu şansı özündə saxlayır. 

66kq-da isə həm yaşar Nəcəfovun (1588 xalla 21-ci), həm də Kamran Süleymanovun (1065 xal, 29-cu yer) ilk 17-liyə düşmək imkanı var.

Yəqin ki, Bakı Dəbilqəsindən sonra vəziyyət bir qədər dəyişəcək. 

İNTİQAM Məmmədov