CÜDO

--------------------------

AÇ-ya gedəcək gənc cüdoçuların adları açıqlanıb

Yeniyetmələr arasında dünya çempionu olan Xədicə Qədəşova indi də AÇ-yə gedir

7-10 sentyavr aralığında Hollandiyanın Haaqa şəhərində gənc cüdoçular arasında Avropa çempionatı keçiriləcək. 4 gün davam edəcək bu yarışda Azərbaycan idmançıları da mübarizə aparacaqlar. Azərbaycan Cüdo Federasiyasından verilən məlumata görə, 7-ci zərif cins nümayəndəsi olmaqla ölkəmiz yarışa 16 cüdoçuyla qatılacaq. 

Oğlanların yarışında Nizami İmranov (60 kq), Aydın Rzayev, Nicat Nağıyev (hər ikisi 66 kq), Vüsal Qələndərzadə, Süleyman Əliyev (hər ikisi) 73 kq, Ömər Rəcəbli (81 kq), Vüqar Talıbov, İsmayıl Zamanov (hər ikisi 90 kq) və Kənan Nəsibov (+100 kq), qızlar arasında isə Könül Əliyeva, Vüsalə Hacıyeva (hər ikisi 48 kq), Aydan Vəliyeva, Xədicə Qədəşova (hər ikisi 52 kq), Fidan Əlizadə (57 kq), Nərmin Əmirli (78 kq) bə Nigar Süleymanova (+78 kq)  mübarizə aparacaq. Xatırladaq ki, qızların heyətində yer alan Xədicə Qədəşova ötən həftəsonu Zaqrebdə (Xorvatiya) yeniyetmələr arasında keçirilən dünya birinciliyinin qalibi olub. İndi isə məşqçilər onu gənlərin Avropa çempionatında yoxlamaq istəyirlər. 

Qeyd edək ki, çempionatın ilk 3 günü fərdi yarışlar olacaq. Son gündə isə qarışıa komanda yarışı keçiriləcək. 

İNTİQAM Məmmədov