BOKS

----------------------

Erməni rəqibini məğlub etməyi özünə borc bilən boksçumuz

Sloveniyanın Maribor şəhərində məktəblilər arasında bok üzrə keçirilən Avropa çempionatında iştirak edən vi ikisi qızıl, ikisi bürünc əyarlı olmaqla 4 medal qazanan Azərbaycan komandası vətənə dönub. Xatırladaq ki, AÇ-də boksçularımızdan Şahin Aslanov (52 kq) və Səftər Məmmədzadə (90 kq) bütün döyüşlərini qələbə ilə başa vuraraq qızıl medal, Adil Zalovla (63 kq) İsmayıl Vəliyevsə (70 kq) bürünc medal qazanıb. 

Bu arada çempionlarımızdan biri, yarımfinalda erməni rəqibini rəzil edən Səftər Məmmədzadə Azərbaycan Boks Federasiyasının rəsmi saytına maraqlı açıqlama verib: və yarımfinalda erməni rəqibi üzərində qələbə qazanmağa borclu olduğunu bildirib: “Avropa birinciliyinə çox yaxşı formada yollanmışdım. Məşqlərdə əziyyət çəkmişdim. Bunun üçün Avropa çempionluğunu gözləyirdim. Çəkimdə erməni boksçu olduğunu da bilirdim. Onu yarımfinalda nokaut etmək mənim üçün böyük fəxrdir. Bu qələbəmi Vətən müharibəsinin şəhidlərinə həsr edirəm. Döyüşə çıxdıqda da gözlərim önündə məhz 44 günlük müharibə canlandı. Bu səbəbdən də uduza bilməzdim" deyən çempionumuz sonda onun üzərində əziyyəti olan məşqçilərə təşəkkürünü bildirib. O, bundan sonrakı əsas hədəfinin qarşıdakı dünya çempionatı olduğunu və həmin mundialda da Azərbaycan himnini səsləndirmək istəyini dilə gətirib. 

İNTİQAM Məmmədov