FUTZAL

---------------------------

"Araz-Naxçıvan" UEFA ÇL-da mübarizəni dayandırıb 

Naxçıvan təmsilçisinə 3 oyunda 2 qələbə bəs etməyib

Dünən futzal üzrə UEFA Çempionlar Liqasında ilk mərhələnin qrup oyunlarına yekun vurulub. Təəssüflər olsun ki, bu turnirdə mübarizə aparan Azərbaycan çempionu "Araz-Naxçıvan" klubu qrup mərhələsini aşa bilməriyi üçün mübarizəni dayandırmaq məğburiyyətində qalıb. Qeyd edək ki, "İstanbul Şişli" (Türkiyə), "Yan Reqensburq" (Almaniya) və "Riqa" (Latviya) klubu ilə birlikdə A qrupunda yer alan Naxçıvan təmsilçisi qrupda keçirdiyi 3 oyundan ikisini udub, birini uduzub. Nu isə çempionumuza növbəti mərhələyə adlamaq üçün bəs etməyib. Yeri gəlmişkən, Latviyanın ev sahibliyi etdiyi qrup oyunlarının startında Türkiyə təmsilçisini 9:1, ardından Almaniya çempionunu 5:0 hesabla məğlub edən "Araz-Naxçıvan" klubu son turda ev sahibinə böyük hesabla məğlub olub - 3:8. Reqlamentə görə, yalnız qrup liderləri növbəti mərhələyə çıxdığı üçün bu hququ hər 3 görüşünü qələbə ilə bitirən "Riqa" qazanıb. 

Qeyd: Növbəti mərhələyə 8 qrupun lideri və bir də ən yaxşı qrup ikincisi cıxacaq. Artıq ən yaxşı ikinci komanda bəlli olub. Bu 7 xalla öz qrupunda ikinci yeri tutan "Amiqo"dur (Bolqarıstan). Bu isə o deməkdir ki, "Araz" cari mövsümdə Avrokubokla erkən vidalaşıb. 

İNTİQAM Məmmədov