BASKETBOL. 3X3. DQS

-------------------------------------

"Neftçi" DQS-nın Bakı mərhələsinin 1/4 finalında 

Bu gün paytaxt Bakıda 3x3 basketbolu üzrə Dünya Qadın Seriyasının sayca 19-cu mərhələ yarışına start verilib. Turnirə ev sahibliyi edən Azərbaycan iki komandayla - həm yığma, həm də "Neftçi" klubu ilə mübarizəyə qatılıb. Bütün mərhələ yarışlarında olduğu kimi, Bakı bulvarında təşkli edilən 19-cu mərhələdə də Azərbaycan millisi zəif çıxışı ilə yadda qalıb. Heyətində Sali Əl-Xuri, Tatyana Deniskina, Binat Rizvanova və Mersedes Uoklerin yer aldığı yığmamız  qrup mərhələsində Litvaya 17:21, Almaniyaya isə 8:22 hesabla uduzaraq, mübarizəni dayandırıb. Yığmamızdan fərqli olaraq, indiyədək 3 mərhələnin - Şuşa, Netani (İzrail) və Melilye (İspaniya) mərhələsinin qalibi olan və heyətində Erika Karter, Brianna Freyzer, Aleksandra Mollenxauer və Dina Ylyanova dördlüyüyün cəmləşdiyi "Neftçi" klubu isə qrupda İtaliyaya (5:15) uduzsa da, Çinin "Yunda" (16:14) klubunu məğlub etməklə adını 1\4 finalçılar sırasına yazdırıb. 

Xatırladaq ki, "Neftçi" klubu geridə qalan 18 mərhələdən sonra topladığı 611 xalla yarış cədvəlində yenə də üçüncüdür. Yığmamız isə 157 xalla 22-ci pillədədir. 

İNTİQAM Məmmədov