ŞAHMAT. Künya Kuboku

-------------------------------------

Nicat Abbasov DK-da 3-cü yer uğrunda Fabianu Karuananı üstələyib 

Aleksandra Qoryaçkina Bakıda DK-nın qalibi olub 

İyulun 29-da paytaxt Bakıda 18-i azərbaycanlı olmaqla, 309 (206 kişi və 103 qadın) şahmatçının iştirakı ilə startı verilən şahmat üzrə Dünya Kuboku artıq başa çatmaq üzrədir. Bu gün kişiləri yarışında həm çempionluq, həm də üçüncülük uğrunda yarışlara start verilib. Qeyd edək ki, finalda vitse-dünya çempionu və FİDE-nin reytinq cədvəlinə vahid liderlik edən Maqnus Karlsenlə (Norveç) indistanlı qrossmeyster Rameşbabu Praqqnanandxa ilə qarşılaşıb. İlk görüş heç-heçə bitib - 0,5:0,5. 

Üçüncülük uğrunda isə həmyerlimiz Nicat Abbasovla ABŞ təmsilçisi Fabiano Karuana ilə mübarizəyə başlayıb. İlk görüş Abbasovun qələbəsi ilə bitib. Sabah cütlər cavab matçına çıxacaqlar. Abbasova Dünya Kubokunun üçüncüsü olmaq üçün sabahkə oyunda heç-heçə də bəs edir. 

Xatırladaq ki, dünən isə qadınların analoji yarışı başa çatıb.  Qadınlar arasında çempion adını FİDE təmsilçisi olan rusiyalı Aleksandra Qoryaçkina qazanıb. O, həlledici finalda bolqarıstanlı Nurgül Salimovanı məğlub edib. Qadınların yarışında üçüncü yeri isə ukraynalı Anna Muzıçuk tutub. 

Yeri gəlmişkən, mükafat fondu 2.5 milyon (kişilər 1,834.000, qadınlar 676,250) dollar təşkil edən turnirdə ilk 3 yeri tutan şahmatçı iddiaçılar turnirində iştirak etmək hüququ qazanır. 

İNTİQAM Məmmədov