BOKS

----------------

Məktəbli boksçularımız Avropa birinciliyində 

Avqustun 17-də Sloveniyanın Maribor şəhərində məktəbli boksçular arasında Avropa birinciliyinə start verilib. Azərbaycan Boks Federasiyasından verilən məlumata görə, avqustun 25-dək davam edəcək birincilikdə azərbaycanlı məktəblilər də qüvvələrini sınayırlar. Azərbaycan həm oğlanların, həm də qızların biricilyində təmsil olunur. Qeyd edək ki, oğlanlardan ibarət komandaya Azərbaycan Boks Federasiyasının İdarə Heyətinin üzvü, aşağı yaş qrupu üzrə komandaların baş məşqçisi Rövşən Hüseynov rəhbərlik edir. Komadanın heyətində isə Əli Camalzadə (40 kq), Şahin Mustafayev (42 kq), Bəhlul Əhmədli (44 kq), Məhəmməd Mehrəliyev (46 kq), Yusif Bəylərov (48 kq), Təşkilat Quliyev (50 kq), Şahin Aslanov (52 kq), Seydəmir Quliyev (54 kq), Toğrul Quliyev (57 kq), Əli Abdullayev (60 kq), Adil Zalov (63 kq), Nicat İmanov (66 kq), İsmayıl Vəliyev (70 kq), Hüseyn Abdullayev (80 kq) və Səfdər Məmmədzadə (90 kq) yer alıb. Komandanın məşqçilər heyətində Vüqar Məmmədov və Samir Məmmədov da yer alıb.

Yarışa məşqçilər Yadigar Məmmədov və İlkin Ağayevin rəhbərliyi altında qatılan qızlardan ibarət komandamızın heyətinə isə Saraxanım Səmədov (38 kq), Aylin Nəzərov (46 kq), Fidan Bəkirova (51 kq), Mədinə Məmmədova (57 kq) və Səma Hüseynova (60 kq) cəlb edilib.

İNTİQAM Məmmədov