FUTBOL

------------------------

"Qarabağ" XİK-i hər iki oyunda məğlub edərək AL-nın pley-offuna adlayıb 

Bu gün futbol üzrə UEFA Avropa Liqasında 3-cü təsnifat mərhələnin cavab oyunları keçirilib. Ölkəmizi bu turnirdə təmsil edən "Qarabağ" klubu Finlandiyada yerli XİK-lə qarşılaşıb. Qeyd edək ki, bir həftə öncə Bakıda keçirilən ilk oyunda 2:1 hesabı ilə qalib gələn "köhlən atlara" mərhələni keçmək üçün cavab matçında heç-heçə də bəs edirdi. Di gəl ki, Helsinki şəhərindək "Bolt Arena"da baş tutan və fransalı referi Villi Delajonun idarə etdiyi cavab qarşılaşması da "Qarabağ"ın qələbəsi ilə bitib - 1:2. Maraqlıdır ki, Qurban Qurbanovun yetirnmələi Helsinkidə də eyni hesabla qalib gəlib. Meydan sahibləri Santeri Xostikanın vurduğu qolla hesabı erkən açsalar da (1:0), sonda meydanı qələbə ilə tərk etmək "Qarabağ"a nəsib olub. Birinci hissənin əlavə edilmiş vaxtında (45+3) Toral Bayramov penalti zərbəsi ilə pozulmuş statusu bərpa edib - 1:1. Qarşılaşmanın 56-cə dəqiqəsində isə Yassin Benziya matçən taleyini həll edən qola imza atır. Bununla da "Qarabağ" iki oyunun ümumu nəticəsinə görə, XİKİ-i üstələyərək adını turnirin pley-off mərhələsinə yazdırıb. Bu mərhələdə isə Ağdam təmsilçisi Sloveniyanın "Olimpiey" klubu ilə qarşılaşacaq. "Qarabağ"dan fərqli olaraq, XİK Avrokuboklarda mübarizəni Konferensiya Kubokunun pley-offunda davam etdirəcək. Finlandiya təmsilçisi  bu mərhələdə Rumıniyanın "Farul" klubu ilə qarşılaşacaq. 

Xatırladaq ki, "Qarabağ" bu oyuna qədər UEFA Çempionlar Liqasında əvvəlcə Cəbəllütariqin "Linkoln" klubunu məğlub etdikdən (2:1 və 4:0) Polşanın "Rakuvu" klubu ilə bacarmayıb (2:3, 1:1).

İNTİQAM Məmmədov