HƏNDBOL

------------------------

Azərbaycan yığması Bakıda keçirilən AÇ-da Sloveniya qarşısında rəzil oldu

İki gündür ki, paytaxt Bakıdakı İdman Sarayında 17 yaşlı həndbolçu qızlar arasında Avropa çempionatı keçirilir. Çempionatda üe sahibi Azərbaycan da daxil olmaqla 10 komanda iki qrupda mübarizə aparır. Çempionatın A qrupunda yer alan Azərbaycan yığması bu gün ikinci tur çərçivəsində Sloveniya komandası ilə qarşılaşdı. Təəssüflər olsun ki, yığmamız birinci turda olduğu kimi, hesabat turunda da məğlubiyyətlə üzləşdi. Xatırladaq ki, birinci turda Gürcüstan komandasına 13:39 hesabla uduzan yığmamız bu gün baş tutan ikinci oyunda isə Sloneniya qarşısında rəzil oldu. Hər hissədə yalnız 3 top vurmağı bacaran yığmamız əvəzində isə hər hissədə öz qapısından 29 top buraxdı. Nəticədə yığmamız 6:58 hesablı məğlubiyyətlə üzləşdi. 

Matçın ən yaxşı oyunçularına gəlincə, bu ada Azərbaycan yığmasından Nərmin Quliyeva, rəqib komandadan isə Rakoveç Tinkara layiq görüldü. 

Yığmamızın yer aldığı A qrupunda keçirilən digər oyunda Litva komandası Bosniya-Hersoqovinı məğlub edib - 40:37. Bu gün B qrupunda isə Farer adaları İzraili 38:22, İspaniya isə Yunanıstanı 33:11 hesabla məğlub edib. 

AÇ-nın reqlamentinə görə, qruplarda ilk iki yeri tutan komandalar çempionluq uğrunda mübarizəni yarımfinaldan davam etdirəcəklər. 

Yığmamız növbəti matçını sabah 18:00-da Bosniya-Hersoqovinaya qarşı keçirəcək. Qrupda son olaraq, yığmamız avqustun 9-da Litvayla qarşılaşacaq. Bütün oyunlar İdman Sarayında keçirilir.

İNTİQAM Məmmədov