ŞAHMAT

----------------------

Beş şahmatçımız DK-nun 2-ci mərhələsinin tay-brekində mübarizəni davam etdirir

İyulun 29-da Bakıda Azərbaycan şahmatçıları (18 nəfər) daxil olmaqla 309 (206 kişi və 103 qadın) şahmatçının iştirakı ilə startı verilən və iddiaçılar turnirinə seçmə xarakteri daşıyan Dünya Kubokunda bu gün 2-ci mərhələnin tay-brek oyunları keçiriləcək və bununla da sayca 3-cü olan növbəti mərhələnin bütün iştirakçıları müəyyənləşəcək. Xatırladaq ki, Azərbaycan şahmatçılarından Teymur Rəcəbovla Ülviyyə Fətəliyeva ikinci mərhələni uğurla başa vuraraq, tay-brekə qatılmadan 3-cü mərhələyə adlayıb. Tay-brekə qatılan beşliyimizin iştirakı ilə aşağıdakı oyunlar baş tutacaq: 

Kişilər. Tay-brek 1\164 final

Nicat Abbasov - Loran Fressine (Fransa), 

Eltac Səfərli - Andrey Yesipenko (FİDE),

Rauf Məmmədov - Aleksandr Predke (Serbiya),
Qədir Hüseynov - Yoans Byerre (Danimarka),
Аbdulla Qədimbəyli – Даvid Quijarro (İspaniya). 

Qeyd: Ümumi mükafat fondu 2,5 milyon dollar (kişilər 1.834.000, qadınlar isə 676.250 dollare) təşkil edən turnirdə hər mərhələ 3 gün davam edir. Rəqiblər ilk iki gündə bir dəfə ağ, bir dəfə isə qara fiqurla oynayırlar. Bu iki oyunda qalib aşkar edilmədikdə rəqiblər 3-cü gün tay-brekdə mübarizəni davam etdirirlər.  

İNTİQAM Məmmədov