ŞAHMAT

--------------------

Bakıda şahmatçıların Dünya Kubokunun 2-ci mərhələsi başlayır 

Teymur Rəcəbov, Şəhriyar Məmmədyarov və Günay Məmmədzadə də yarışa qatılıb 

İyulun 29-da paytaxt Bakıda 309 (206 kişi, 103 qadın) şahmatçının iştirakı iləa start götürən və iddiaçılar turnirinə seçmə xarakteri daşıyan Dünya Kubokunda bu gün 2-ci mərhələyə (kişilərdə 1\64, qadınlarda 1\32 final) ilk oyunlarla start veriləcək. Əvvəlcədən xəbər verdiyimiz kimi, ikinci mərhələdən etibarən Azərbaycan şahmatının liderləri - Teymur Rəcəbov, Şəhriyar Məmmədyarov və Günay Məmmədzadə də mübarizyə qatılıb. Beləliklə, DK-ya ev sahibliyi edən Azərbaycan ikinci mərhələdə 15 şahmatçı ilə təmsil olunacaq. Onlardan 12-si birinci mərhələni uğurla keçənlərdir. 

Azərbaycan təmsilçilərinin iştirakı ilə bu gün aşağıdakı qarşılaşmalar olacaq: 

Kişilər: 1\64 final:

Şəhriyar Məmmədyarov - Тin Jinqao (Sinqapur)

Teymur Rəcəbov - Viktor Erdoş (Macarıstan)
Nicat Abbasov - Loran Fressine (Fransa)
Yan Nepomniyaşiy (FİDE) - Vüqar Əsədli
Domaracu Qukeş (Hindistan) - Misrətdin İsgəndərov
Andrey Esipenko (FİDE) - Eltac Səfərli
Aydın Süleymanlı - Parxam Maqsudlu (İran)
Aleksandr Predke (Serbiya) - Rauf  Məmmədov
Yonas Byerre (Danimarka) - Qədir Hüseynov
Cavid Quijarro (İspaniya) - Abdulla Qədimbəyli

Jyul Mussar  (Fransa) - Vasif Durarbəyli

Qadınlar: 1\32 final
Alina Bivol  (Ukrayna) - Günay Məmmədzadə
Ülviyyə Fətəliyeva - Monika Soçko (Polşa)
Gövhər Beydullayeva - Polina Şuvalova (FİDE)
Nino Batsiaşvili (Gürcüstan) - Gülnar Məmmədova

Qeyd: Ümumi mükafat fondu 2,5 milyon dollar (kişilər 1.834.000, qadınlar isə 676.250 dollare) təşkil edən turnirdə hər mərhələ 3 gün davam edir. Rəqiblər ilk iki gündə bir dəfə ağ, bir dəfə isə qara fiqurla oynayırlar. Bu iki oyunda qalib aşkar edilmədikdə rəqiblər 3-cü gün tay-brekdə mübarizəni davam etdirirlər.  

İNTİQAM Məmmədov