FUTZAL

---------------------------

“Araz-Naxçıvan”ın UEFA ÇL-dakı rəqibləri müəyyənləşib

İsveçrənin Nyon şəhərində futzal üzrə UEFA Çempionlar Liqasının 2023/24-cü il mövsümünün püşkü atılıb. Bununla da bəlli turnirdə ölkəmizi təmsil edəcək və mübarizəyə ilkin mərhələdən başlayacaq son çempion “Araz-Naxçıvan”ın rəqibləri müəyyənləşib. Püıkün nəticəsindən asılı olaraq. komandamız"Riqa" (Latviya), "Jahn Regensburq" (Almaniya) və "İstanbul Şişli" (Türkiyə) ilə birlikdə A qrupunda yer alıb. Bu mərhələnin oyunları avqustun 22-dən 27-dək Latviyada keçiriləcək. Əsas mərhələyə qrup qalibləri və ən yaxşı göstəriciyə malik ikinci pilləni tutan 1 komanda vəsiqə qazanacaq.

Artıq əsas mərhələnin də püşkü atılıb. Qeyd edək ki, “Araz-Naxçıvan” oktyabrın 24-dən 29-dək keçiriləcək bu mərhələyə qrup qalibi kimi vəsiqə qazanacağı təqdirdə 6-cı qrupda yer alan Rəqibləri Plzen (Çexiya), Futsal  Gentofte (Danimarka) və ilkin mərhələnin H qrupunun Radnik Bijeljina (Bosniya və Herseqovina), Tirana (Albaniya), Cefn Druids (Uels) və Sparta Belfast (Şimali İrlandiya) qalibi ilə üz-üzə gələcək. Əgər təmsilçimiz birinci mərhələnin ən yaxşı “ikinci”si  kimi mübarizəni davam etdirsə, o zaman 5-ci qrupda Futsal Dinamo (Xorvatiya), eləcə də ilkin mərhələnin B (Örebro (İsveç), Diamant Linz (Avstriya), Amiqo Northvest (Bolqarıstan) və ASA Tel Aviv Ouls (İsrail) və C (Eindhoven (Niderland), Titoqrad (Monteneqro), Georgians (Gürcüstan) və Avropa (Cəbəllütarıq) qruplarının qalibləri ilə üz-üzə gələcək. 

İNTİQAM Məmmədov