GÜLƏŞ

--------------------

Esra Məmədli AÇ-da gümüş medal qazanıb

Macarıstanın Kaposvar şəhərində 15 yaşlı (U-15) güləşçilər arasında keçiriən  və Azərbaycan idmançılarının da iştirak etdiyi Avropa çempionatı davam edir. Şempionatın ilk günü meydan qızların ixtiyarına verilib. Bu yarışda ölkəmiz 5 idmançı ilə təmsil olunub ki, onlardan da yalnız biri - Esra Məmmədli (46 kq) çıxışını ikinci yerdə başa vuraraq, gümüş medal qazanıb. Xatırladaq ki, yalnız finalda macarıstanlı Mariya Jitovoza məğlub (0:7) məğlub olan Esra startda xorvatiyalı Ayla Kadriyiyə və ardından rumıniyalı Orsolya Soverə "tuş"la qalib gələrək, 1\4 finala yüksəlib və həmin mərhələdə də rusiyalı Polina Boçkarevanı (3:2) üstələyərək yarımfinala yüksəlib. Finala çıxışda isə o, belaruslu Ella Sudkoya tam üstünlüklə (10:0) qalib gəlib. Esra bu nəticə ilə qadın güləşi üzrə U-15 Avropa çempionatlarında ilk medal qazanan Azərbaycan idmançısı kimi adını tarixə yazdırıb.

Digər güləşçilərimizə gəlincə, 39 kq-da güləşən Əfsanə İslamova təsnifat mərhələsində, Milana Bağırzadə (62 kq) 1/4 finalda macarıstanlı Reka Bereçkiyə 0:3 hesabıyla uduzaraq mübarizəni erkən dayandırıb. Nəzrin Əhmədli (42 kq) bürünc medal uğrunda yunanıstanlı Mariya Qkikayla mübarizədə məğlub olub (0:8), Fidan Babayeva (58 kq) isə təsəlliverici görüşdə rusiyalı Liliya Yermoxinaya "tuş"la uduzub.

İNTİQAM Məmmədov