CÜDO

---------------------------

Astanada keçirilən Böyük Dəbilqənin son günü də cüdoçularımız üçün uğusuz olub

Azərbaycan yığması turniri bir bürünclə başa vurub 

İyunun 16-da Astanada (Qazaxıstan) Azərbaycan da daxil olmaqla 42 ölkəni təmsil edən 334 (190 kişi, 144 qadın) cüdoçunun iştirakı ilə startı verilən reytinq xarakterli Böyük Dəbilqə turnirinə bu gün yekun vurulacaq. Qeyd edək ki, Azərbaycanın 4-ü qadın olmaqla 17 tatami ustası ilə qatıldığı turnirin son günü 5 təmsilçimiz tatamiyə çıxıb. Təəsüflər olsun ki, cüdoçularımızdan heç biri fərqlənə bilməyib. Onların arasında yalnız Vüqar Talıbov (90 kq) 7-ci yeri tuta bilib. Qeyd edək ki, ilk iki mərhələni qələbə ilə bitrirərk 1\4 finala yüksələn Talıbov bu mərhələdə uduzduqdan sonra mübarizəni təsəlliverici görüşlərlə davam etdirmək imkanı qazanıb. Di gəl ki,  cüdoçumuz burada da ilk qarşılaşmada məğlub olub. Son gün mübarizəyə qatılan cüdoçularımızdan Elcan Hacıyev (90 kq) və Aslan Mirzəyev (100 kq) ikinci, Uşanqi Kokuari (+100 kq) və Camal Qamzatxanovsa (+100 kq) elə ilk görüşdəcə uduzub. 

Beləliklə, Azərbaycan yığması bu 3 günlük yarışı Gltac Məmmədəliyevanın (52 kq) qazandığı yeganə bürünc medalla başa vurub. 

İNTİQAM Məmmədov