FUTZAL

----------------------------

Futzal üzrə millimizin rəqibləri müəyyənləşib

Azərbaycan "A" qrupunda Qazaxıstan, Rumıniya və Hollandiya ilə qarşılaşacaq

Final mərhələsi 2024-cü ildə keçiriləcək futzal üzrə dünya çempionatının elit-raund mərhələsinin bu gün püşkü atılıb. Azərbaycan Futzal Federasiyasından verilən məlumata görə A qrupunda yer alan millimiz Qazaxıstan, Rumıniya və Niderlan komandaları ilə qarşılaşacaq. Bu mərhələnin oyunları dekabrın 20-dək yekunlaşacaq. Komandamız elit-raunda səfər oyunu ilə başlayacaq və yekun nöqtəni də rəqib zalında qoyacaq.

Qeyd edək ki, Avropa zonasına 7 yer ayrıldığına görə, qrup qalibləri (5 komanda) final mərhələsinə birbaşa vəsiqə qazanacaq. Ən yaxşı göstəriciyə malik 4 “ikinci” yerin sahibi pley-off oyunlarında iştirak edəcək və qalib gələn 2 milli də final mərhələsində gücünü sınayacaq.

A qrupu: Qazaxıstan, Rumıniya, Azərbaycan, Niderland

B qrupu: Ukrayna, Polşa, Serbiya, Belçika;

C qrupu: Xorvatiya, Slovakiya, Fransa, Almaniya;

D qrupu: İspaniya, İtaliya, Sloveniya, Çexiya;

E qrupu: Portuqaliya, Gürcüstan, Ermənistan, Finlandiya.

Elit-raund mərhələsinin oyunlar 3 ay ərzində keçiriləcək. Tarixlər bu şəkildə müəyyənləşdirilib:

11-20 sentyabr

Rumıniya - Azərbaycan

Azərbaycan – Niderland

2-11 oktyabr

Azərbaycan – Qazaxıstan

Qazaxıstan - Azərbaycan

11-20 dekabr

Azərbaycan – Rumıniya

Niderland - Azərbaycan

Qeyd: Oyunların keçiriləcəyi günləri qrup iştirakçıları iyunun 16-dək öz aralarında razılaşdırmalıdırlar. Həmin tarixə qədər razılıq əldə olunmasa, UEFA oyun tarixlərini püşklə müəyyənləşdirəcək. Dekabrın 20-i qrup mərhələsi üçün sonuncu oyun günüdür. Pley-off-da iştirak edəcək komandalar üçün gələn il yanvarın 25-də püşk atılacaq, matçlar isə ev və səfər prinsipi olmaqla gələn il 8-17 aprel tarixlərində keçiriləcək. 

İNTİQAM Məmmədov