TAEKVONDO

---------------------------------

Eltac Qafarov 1\16 final mərhələni keçdi

Fatima Məcidovasa mmübarizəni dayandırdı

Bakıdakl  "Kryastal Holl"da taekvondo üzrə keçirilən və sayca 26-cı olan dünya çempionatı davam edir. Çempionatın 6-cı günü çəkisi 74 kq olan kişilər və 62 kq -da qadınlar mübarizəyə qatılıblar. Kişilərin yarışında ölkəmizi Eltac Qafarov, qadınlarda isə Fatimə Məcidova təmsil edib. Məcidov ilk döyüşünü 1\16 finalda Montoneqro təmsilçisi Vasiliy Peruniçiçə qarşı keçirib. Görüş həmyerlimizin 2:0 hesablı qələbəsi ilə bitib. Bu qələbə sayəsində 1\8 finala yüksələn Məcidov növbəti döyüşünü norveçli Sebastian Tunenə qarşı keçirəcək

Məcidovaya gəlincə, o, 1\16 finalda üzləşdiyi İtaliya təmsilçisi Kristina Kaspaya qarşı keçirib. Təəssüflər olsun ki, dayanq ustamız bu döyüşdə məğlubiyyətlə üzləşərək (0:2) mundialdakı mübarizəsini erkən dayandırıb. 

Qeyd edək ki, çempionata sabah yekun vurulacaq. Di gəl ki, mundiala ev sahibliyi edən Azərbaycan yığması hələ də medal hesabını aça bilməyib.

Xatırladaq ki, mundialın geridə qalan ilk  günündə Azərbaycan yığmasının 9 üzvü - Cavad Ağayev (68 kq), Qaşim Maqomedov (58 kq), Fəridə Əzizova (67 kq), Ələsgər Əliyev (80 kq), Taleh Süleymanov (87 kq), Patimat Abakarova (49 kq), Xanoğlan Kərimov (63 kq), Sayad Dadaşovla (54 kq) Minayə Əkbərova (46 kq) dayanq üzərinə çıxıb və hamısı da fiaskoya uğrayaraq, mundialla erkən və əliboş vidalaşıb.  Bu gün isə uğursuzlarımızın siyahısına daha biri  - Fatimə Məcidova (62 kq) əlavə olunub.

Azərbaycan da daxil olmaqla 145 komandanın heyətində yer alan 949 dayanq ustasının mübarizə apardığı dünya çempionatına iyunun 4-də yekun vurulacaq. 

İNTİQAM Məmmədov