CÜDO

-------------------------------

Turan Bayramovla Gültac Məmmədliyeva Düşənbə Qran-Prisinin finalında

Daha iki cüdoçumuz - Nəcəfovla Əliyeva isə bürünc medal qazanmağa çalışacaq

Bu gün Tacikistanın paytaxtı Düşənbədə cüdoçuların reytinq xarakterili növbəti Qran-Pri yarışına start verilib. Heyəti 3-ü qadın olmaqla 12 cüdoçudan ibarət olan Azərbaycan yığmasının 7 üzvü elə start günündə tatamiyə çıxıb. Artıq onlardan ikisi - Turan Bayramovla (60 kq) Leyla Əliyeva (48 kq) uğurla irəliləyərək finala yüksəlib. Qeyd edək ki, müfafiq ardıcıllıqla Özbəkistan və daha iki ev sahibini məğlub edədərk finala yüksələn Turan burada Ramazan Abdullayevə (neytral komanda) qarşı güləşəcək. 

Digər finalçımız - Gültac Məmmədliyevaya (52 kq) gəlincə, o da ilk 3 görüşünü qələbə ilə başa vuraraq, finala yüksəlib. O, həlledici finalda neytral statuslu Olesya Keznetsovayla qarşılaşacaq. Yeri gəlmişkən, Gültac ötən həftəsonu Avstriyada keçirilən analoji turnirdə 3-cü olmaqla bürünc medal qazanıb. Düşənbədə isə o, finala çıxmaqla artıq gümüş medalı özünə təmin edub. Əgər finalda da uğurla çıxış edə bilsə, onda Məmmədliyeva qızıl medala sahib olacaq. 

Daha iki tatami ustamız - Yaşar Nəcəfovla (66 kq) Leyla Əliyeva (48 kq) isə bürünc medal uğrunda güləşəcək. 

İNTİQAM Məmmədov