FORMULA-1

-----------------------

Monakoda da Maks Ferstappen birinci olub

Formula-1 üzrə dünya çempionatında daha bir Qran-Pri keçirilib. Söhbət Monte-Karloda baş tutan sayca 6-cı olan Monako Qran-Prisindən gedir. Maraqlıdır ki, bu mərhələ yarışında da Maks Ferstappen "Red Bull" qalib gəlib. Bu onun cari mövsümdə 4-cü qələbəsidir. Bu qələbədən sonra Maks aktivindək xalların sayıni 144-ə çatdırmaqla ən yaxın izləyicisi olan öz komanda yoldası Serxio Peresi ("Red Bul") 39 xal geridə qoyub. Yeri gəlmişkən, cari mövsümün 6 Qran-Prisindən ikisinin qalibi olan Peres Çonakoda finişə 16-cı sırada çatıb. 

Yürüşdə ikinci yeri Ferstappendən +27,921 saniyə geri qalan Fernando Alonso ("Aston Martin") tutub. İlk üçlüyü isə qalibdən +36,990 saniyə geri qalan "Alpinin sürücüsü Esteben Okon tamamlayıb. Nə qədər təəccüblü də olsa 7 qat dünya çempionu +39.062 saniyə geri qalmaqla finişə 4-cü çatıb. Onun təqibçisi isə öz komanda yoldaşı Corc Rassell olub. Ümumiyyətlə, yürüşə qatılan 20 pilotdan yalnız ikisi mübarizəni yarımçıq qoyub.

Pilotların yarış cədvəlindəki mövqeləri Top-10: 

1. Maks Ferstappen ("Red Bull") – 144 xal

2. Serxio Peres ("Red Bull") – 105

3. Fernando Alonso ("Aston Martin") – 93

4. Lyuis Haemilton ("Mersedes") – 69

5. Corc Rassell ("Mersedes") – 50

6. Karlos Sayns ("Ferrari") – 48

7. Şarl Lekler ("Ferrari") – 42

8. Lans Stroll ("Aston Martin") – 27

9. Esteben Okon ("Alpin") – 21

10. Pyer Qasli ("Alpin") – 14

Komandaların turnir  vəziyyəti:

1. "Read Bull" – 249 xal

2. "Aston Martin" – 120

3. "Mersedes" – 119

4. "Ferrari" – 90

5. "Alpin" – 35

6. "Maklaren" – 17

7. "Xaas" – 8

8. "Alfa Romeo" – 6

9. "Alfa Tauri" – 2

10. "Vilyams" – 1

Qeyd: Sayca 7-ci olan növbəti Qran-Pri iyunun 4-də İspaniyada keçiriləcək.  

İNTİQAM Məmmədov