TAEKVONDO
---------------------------------------------
Taekvondo üzrə DÇ-2023-ün təntənəıli açılış mərasimi oldu
Bu gün səhər saatlarında Bakıdakı "Krystal Holl" Arenada biri Dünya Taekvondo Federasiyasının bayrağı altında çıxış edən qaçqın komandası olmaqla, 145 komandanı (ölkəni) təmsil edən 949 taekvondoçunun iştirakı ilə sayca 26-cı olan dünya çempionatına start verilib. Start günü çəkisi 57 kq olan qadınlar və 68 kq-da çıxış edən kişilər dayanq üzərinə çıxaraq mübarizə aparıblar. Yeri gəlmişkən, dünya çempionatına ev sahibliyi edən Azərbaycan təmsilçisi, ötənilki mundialın bürünc medalçısı Cavad Ağayev (68 kq) 1\32 finaldan mübarizəyə qatılıb və 1\16 finalda məğlubiyyətlə üzləşərək mübarizəni dayandırıb.
Günün ikinci yarısında isə mundialın təntənəli açılış mərasimi oldu.Ölkə başçısı İlham Əliyev və xanımı Mehriban Əliyevanın da qatıldığı mərasimdə ilk olaraq söz alan Dünya Taekvondo Federasiyasının prezidetni Çunqvon Ço mərasimə qatılan Azərbaycan Prezidenti İlham Əliyevi, vitse-prezident Mühriban Əliyevanı, rəsmi qonaqları və idmançıları salamlayandan sonra dünya çempionatının Bakıda keçirilməsindən çox məmnun olduğunu bildirdi. ""Mən yenidən Azərbayacana, bu taekvondo evinə gəldiyim üçün çox məmnunam. Azərbaycanı ona görə taekvondo evi adlandırıram ki, burada bu idman növü üzrə bir sıra yarışlar keçirilib. Hətta ilk para-taekvondo yarışları da burada oldu və sonra paralmpiya oyunlarının proqramına daxil oldu. Ümid edirəm ki, çempionatı idarə edən hakimlər də qərəzsiz və ədalətli olacaqlar. Hakimlərin ədalətli olması çox vacibdir" - deyən Çunqvon Çu 10 il əvvəl Bakıda Azərbaycan Prezidenti İlham Əliyevə Dünya Taekvondo Fedrasiyasının fəxri adını veridiyini xatırlatdı. Və qeyd etdi ki, indi isə vitse-prezident Mehriban Əliyevaya həmin fəxri ad veriləcək.
"Ümid edirəm ki, taekvondoçular bu çempionatda öz bacarıqlarını yüksək səviyyədə nümayiş etdirməklə taekvondo azarkeşlərini sevindirəcəklər" - deyən Çunqvon Çu bu arada beynəlxalq Olimpiya Komitəsinin prezidenti Tomas Baxın çempionat iştirakçılarına salamlarını çatdırdı. O, qeyd etdi ki, Bax taekvondonu Olimpiya Oyunlarının əsas növlərindən biri kimi yüksək dəyərləndirir. Daha sonra isə Baxın mundial iştirakçılarına salamlar göndərdiyi və taekvondo idmanı haqda dediyi fikirləri əks etdirən, eləcə də Dünya Taekvondo Federasiyasını 50 illik yubileyi münasibəti ilə təbrik etdiyi video çarxı təqdim etdi.
Daha sonra söz Azərbaycan Taekvondo Fedrasiyasının prezidenti Kəmaləddin Heydərova verildi. "Mən Azərbaycan Respublikasının Prezidenti İlham Əliyevi, vitse-prezident Mehriban xanım Əliyevanı, Dünaya Taekvondo Federasiyasının prezidenti Çunqvonq Çunu və mərasim iştirakçılarını salamlayıram. Deyə bilərəm ki, taekvondonun Azərbaycan idmanında öz yeri vardır. Azərbaycan taekvondoçuları bir çox beynəlxalq yarışlarda öz sözlərini deyiblər. Elə bu səbəbdən də taekvondo idmanı ölkəmizdə gənclər arasında geniş inkişaf edib" - deyən Kəmaləddin Hedərov qeyd etdi ki, idmana diqqət və qayğının təməli Ulu Öndər Heydər Əliyev tərəfindən qoyulub. Və bu qayğı İlham Əliyev tərəfindən uğurla davam etdirilir.
"Məhz İlham Əliyevin göstərişi və təşəbbüsüilə Azərbaycanda çoxlu sayda Olimpiya İdman Kompleksi tikilib. Bir sıra beynəlxalq yarışlar, o, cümlədən 1-ci Avropa Oyunları və İslam Həmrəyliyi Oyunları (İslamiada) Azərbaycanda keçirilib. Dünya çempionatının ölkəmizdə keçirilməsi həm Ulu Öndər Heydər Əliyevin 100 illik, həm də Dünya Taekvondo Federasiyasının 50 illik yubileyi ilə eyni vaxta təsadüf edib" - ATF prezidenti Kəmaləddin Heydərov belə dedi. Bakının ev sahibliri etdiyi mundialın iştirakçı sayı baxımından rekord olduğunu vurğulayan Kəmaləddin Heydərov bunun da ölkəmizdə taekvondonun geniş yayalmasında və daha da inkişaf etməsində böyük rolu olacağını bildirdi.
Daha sonra isə Gənclər və İdman Naziri Fərid Qayıbov dünya çempionatını açıq elan etdi və ardından da Heydər Əliyevin idmanla bağlı fikirlərini əks etdirən video çarx nümayiş etdirildi. Bununla da mərasimin rəsmi hissəsi başa çatdı. Natiq ritm qrupunun çıxışı ilə başlayın Röya Ayxanın mahnıları ilə davam edən bədi hissədə Dünay Taekvondo Federasiyasının taekvondo nümayiş konmandası azarkeşlər qarşısında bir-birindən gözəl və rəngarəngiz hərəkətlər nümayiş etdirdilər. Öz bacarıqları ilə bütün zalı heyrətə gətirən bu qrup hətta Azərbaycan rəqsini də çox gözəl nümayiş etdirdilər.
Sonra isə meydan yenidən dayanq ustalarının ixtiyarına verildi.
İNTİQAM Məmədov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.