CÜDO

-----------------------

Kamran Süleymanov finalda büdrəyib 

Yığmamız Avstriya Qran-Prisinin start gününü iki medalla başa vurub

Bu gün Avstriyanın Lintse şəhərində Azərbaycan cüdoçularının da iştirakı ilə Qran-Priyə start verilib. Turnirin ilk günü tatamiyə 7 cüdoçumuz çıxıb ki, onlardan da ikisi mükafatçılar arasında yer alıb. Onlardan birinin - Gültac Məmmədəliyevanın (52 kq) bürünc medal qazanması, digərinin - Kamran Süleymanovunsa finala yüksəlməsi haqda məlumat vermişdik. 

Təəssüflər olsun ki, finala qədər inamla irəliləyən Süleymanov həlledici görüşdə büdrəyib. Finala qədər keçirdiyi 4 görüşün hamısını qələbə ilə bitirən Kamran təəssüflər olsun ki, çempionluq uğrunda mübarizə apadığı finalda İspaniya təmsilçisi David Qarsiya ilə bacarmayıb. Bununla da o, Avstriya Qran-Prisində ikinci yeri tutub. 

İNTİQAM Məmmədov