CÜDO

---------------------

Yeniyetmə cüdoçularımız Avropa Kubokuna qatılacaqlar 

27-28 may günlərində Portuqaliyanın Koimbra şəhərində ACB-nın (Avropa Cüdo Birliyi) təşkilatçılığı ilə yeniyetmələr arasında Avropa Kuboku keçiriləcək. Azərbaycan da daxil olmaqla iki gün davam edəcək turnirdə 27 ölkədən 492 idmançı medallar uğrunda mübarizə aparacaq. Azərbaycan Cüdo Federasiyasından verilən məlumata görə, ölkəmiz bu turnirdə 3 çəki dərəsində 7 cüdoçu ilə təmsil olunacaq.

Yeniyetmələrdən ibarət komandanın məşqçisi Emin İskəndərovun rəhbərliyi altında Portuqaliya turnirinə qatəlacaq yığmamızın heyətində Bahadır Feyzullayev, Nihad Məmişov (hər ikisi 50 kq), Həsən Həsənli, Murad Fətullayev (hər ikisi 55 kq), Fərid Qasımzadə, Nicat Süleymanov və Ayxan Mirzəzadə (hər üçü 60 kq) yer alıb.

İNTİQAM Məmmədov