FORMULA-1

------------

Maks Ferstappen Mayami Qran-Prisini də udub

Onun komanda yoldaşı, Azərbaycan Qran-Prisinin qalibi Serxio Peressə ikinci olub

Formul-1 üzrə dünya çempionatının Mayamidə (AÇŞ) keçirilən və cari mövsümdə sayca 5-ci olan Qran-Prinin qalibi "Red Bull"un pilotu Maks Ferstappen olub. Bu cari mövsümdə onun 3-cü qələbəsidir. Bu qələbə ona pilotların reytinq cədvəlində liderlik mövqeyini biraz da möhkəmləndirmək imkanı verib. İndi Ferstappen cədvəldə ən yaxın izləyicisi olan öz komanda yoldaşı Serxio Peresi 14 xal geridə qoyur. Yeri gəlmişkən, Mayami yürüşündə ikinci yeri "Red Bull"un digər pilotu, bir həftə öncə Bakıda keçirilən Azərbaycan Qran-Prisini ikinci dəfə udan Serxio Peres tutub. 57 dövrəlik yürüşdə o, Ferstappendən cəmi 5,384 saniyə geri qalıb. Yürüşdə ilk üçlüyü "Aston Martin"in pilotu Fernando Alonso tamamlayıb (+26,305 saniyə geri qalmaqla). Corc Rossellin ("Mersedes") 4-cü, Karlos Saynsın ("Ferrari") 5-ci olduğu yürüşdə 7 qat dünya çempionu adını daşıyan britaniyalı pilot Lyuis Hemlton ("Mersedes") finişə 6-cı yerdə çatıb (liderdən +51.249 saniyə geri qalıb). Mayami yürüşündə 7-10-cu yerləri müvafiq ardıcıllıqla Şarl Lekler ("Ferrari"), Pyer Qasli ("Alpin"), Esteben Okon ("Alpin") və Kevin Maqnussen ("Xaas", +1.02.945 saniyə geri qalıb) tutub. Finişə 18-ci sırada çatan Nik de Vris ("Alfa Tauri") qalibdən +1.28,949  dəyqə geri qalıb. Yürüşdə sonuncu iki yeri (19-20-ci yerlər) tutan Oskar Piastri ("Maklaren") və Loqan Sarcent ("Vilyams") isə çempiondan bir dövrə geri qalıb. 

İNTİQAM Məmmədov