MİNİ-FUTBOL

--------------

Azərbaycan 3-cülük uğrunda Qazaxıstanıa qarşılaşacaq

Finalda isə Serbiya və Çexiya üz-üzə gələcək

Paytaxt Bakıda ilk dəfə olaraq mini-futbol üzrə keçirilən və Ulu Öndər Heydər Əliyevin 100 illik yubikleyinə həsr olunan beynəlxalq turnirə bu gün final və üçüncülük uğrunda keçiriləcək oyunlarla yekun vurulacaq. Qeyd edək ki, 10 komandanın iştirakı ilə keçirilən turnirin finalında Serbiya və Çexiya qarşılaşacaq. Oyun saat 20:30-da Tennis Akamemiyasında başlanacaq. Turnirə ev sahibliyi edən Azərbaycan isə saat 19:00-da eyni məkanda Qazaxıstan yığması ilə üçüncülük uğrunda qarşılaşacaq. 

Xatırladaq ki, Azərbaycan turnirin A qrupunda Serbiya (0:0), Çexiya (0:0), Gürcüstan (2:9) və İtaliya (2:0) millisi ilə birlikdə mübarizə aparmışdı. Qrupda Serbiya və Çexiyadan sonra 3-cü olan millimiz pley-offda Fransa ilə qarşılaşmadan 3:2 hesablı qələbə ilə ayrılaraq, yarımfinala yüksəli. Təəssüf ki, finala çıxışda yığmamız serblərə 2:3 hesabla uduzub. Nəticədə isə Azərbaycan komandası digər yarımfinalda Çexiyaya 2:8 hesabla uduzan Qazaxıstanla 3-cü yer uğrunda oynamalı olub.

Onu da qeyd edək ki, turnirin B qrupunda isə Frnsa, Qazaxıstan, Ukrayna. Türkiyə və CAR millisi mübarizə aparıb. 

İNTİQAM Məmmədov