BOKS

-------------------

Boksçularımızın DÇ-da ilk rəqibləri bəlli olub

İlk olaraq Rüstəmovla Quliyev döyüşə qatılacaq

Bu gün Özbəkistanın paytaxtı Daşkənddə kişi boksçular arasında növbəti dünya çempionatına start veiləcək. Mayın 14-dək davam edəcək mundialda Azərbaycan yığmasının üzvləri də mübarizə aparacaqlar. Dünən keçirilən püşkatma mərasimindən sonra rinq ustalarımızın ilk rəqibləri bəlli olub. Azərbaycan Boks Federasiyasından verilən məlumata görə. Boksçularımız arasında ilk olaraq Ümid Rüstəmov (57 kq) və Eldar Quliyev (92 kq) rinqə çıxacaq. Hər iki təmsilçimiz mübarizəyə 1\32 finaldan qatılacaq. Azərbaycan boksçuları mundiala qatılacaqları ilk mərhələdə aşağıdakı boksçularla qarşılaşacaqlar: 

1/32 final
Ümid Rüstəmov (57 kq) – Suleyman Samqhouli (Mərakeş)
Malik Həsənov (63,5 kq) – Bilgə Kanlı (Türkiyə)
Sərxan Əliyev (71 kq) – Dev Nişant (Hindistan)
Mirşərif Kazımzadə (75 kq) – Edvin Ovuor (Keniya)
Murad Allahverdiyev (80 kq) – Şabbos Neqmatullayev (Tacikistan)
Eldar Quliyev (92 kq) – Ahmad Alteymat (İordaniya)

1/16 final
Tural Sarıyev (48 kq) – Al-Jaleel Jokhu (Trinidad və Tobaqo)
Məsud Yusifzadə (51 kq) – Maykl Trindad (Braziliya)/Sehyonq Jo (Cənubi Koreya)
Nicat Hüseynov (54 kq) – P. Hsu (Tayvan)
Tayfur Əliyev (60 kq) – Mirzohid İmamnazarov (Qırğızıstan)
Nəbi İsgəndərov (67 kq) – Ali Habibinejad (İran)
Məhəmməd Abdullayev (+92 kq) – Taeunq Ju (Cənubi Koreya)

1/8 final
Alfonso Dominqes (86 kq) – Kalpana Çoudhari (Hindistan)/Bill Makallister (Avstraliya)

Qeyd edək ki, 5,2 milyon ABŞ dolları mükafat fondu olan yarışın final döyüşləri mayın 13-də və 14-də olacaq. Mundialda qızıl medal qazanacaq boksçular 200 min dollar gəlir əldə edəcək. İkinci yeri tutan 100, üçüncü yerin sahibi isə 50 min dollar mükafat qazanmış olacaq. 

İNTİQAM Məmmədov