FORMULA-1

----------------

Maks Ferstappen pilotların yarış cədvəlində liderliyi özündə saxlayıb

"Red Bull"sa ən yaxın izləyicisini 93 xal geridə qoyub

Formula-1 üzrə dünya çempionatının Azərbaycan Qran-Prisindən sonra pilotların və eləcə də komandaların mövcud yarış cədvəli açıqlanıb. Cədvələ əvvəlki kimi yenə də Maks Ferstappen ("Red Bull") liderlik edir. Qeyd edək ki, geridə qlan 4 Qran-Pridən ikisini udan və birində də ikinci olan Ferstappenin aktivində 93 xalı var. Cədvəldə ikinci yeri 87 xalla onun komanda yoldaşı, Azərbaycan Qran-Prisi də daxil olmaqla cari mövsümdə iki mərhələnin qalibi olan Serxio Peres ("Red Bull") tutur. İlk üçlüyü 60 xalla Fernando Alonso ("Aston Villa") tamamlayır. 4-cü yeri cari mövsümdə hələ də özünü göstərə bilməyən 7 qat dünya çempionu Lyuis Hemlton ("Mersedes") tutur. KarlosSaynsın ("Ferrari") 34 xalla 5-ci, onun komanda yoldaşı Şarl Leklerinsə 28 xalla 6-cı olduğu cədvəldə  Corc Rassell ("Mersedes") 28 xalla 7-ci, Lans Stroll ("Aston Martin") 27 xalla 8-ci, Lando Norris ("Maklaren") 10 xalla 9-cu, Niko Xülkenberqsə ("Xaas") 6 xalla 10-cu pillədə məskunlaşıb.Çempionata qatılan digər 10 pilotdan isə 4-ü 4, ikisi 2-si 2, ikisi 1 xal topladığı halda daha ikisi idsə xal qazanmayıb.

Komandalara gəlincə vəziyyət belədir: 

1. "Red Bull" - 180 xal;

2. "Aston Martin" - 87 xal; 

3. "Mersedes" - 76 xal;

4. "Ferari" - 62 xal;

5. "Maklaren" - 14 xal;

6. "Alpin" - 8 xal;

7. "Xaas" - 7 xal;

8. "Alfa Romeo" - 6 xal;

9. "Alfa Tauri" - 2 xal; 

10. "Viyams" - 1 xal.

Qeyd: Növbəti Qran-Pri yarışı 6-7 may günlərində Mayamidə (ABŞ) keçiriləcək.

İNTİQAM Məmmədov