O, yeni çəkidə də sözünü dedi

Xorvatiyanın paytaxtı Zaqrebdə Azərbaycan təmsilçiləri də daxil olmaqla, kişi və qadınlar arasında güləş üzrə növbəti Avropa çempionatı keçirilir. Sərbəst güləşçilərin çıxışı ilə start götürən çempionatın ilk günü Azərbaycan yığması üçün uğurlu olub. Belə ki, mübarizəyə qatılan 5 təmsilçimizdaən 3 daha yaxşı çıxış edərək mükafatçılar sırasında yer alıb. Onlardan ikisi - Əliabbas Rzazadə (57 kq) və Hacı Əliyev (70 kq) bütün rəqiblərini məğlub edərək, Avropa çempionu adını qazanıb. Qeyd edək kİ, ötənilki AÇ-da qazandığı gümüşu bu il qızıla çevirərək ilk dəfə çempionluq sevincini yaşayan 25 yaşlı Rzazadədən fərqli olaraq, daha təcrübəli və titullu güləşçimiz Hacı Əliyevsə 4-cü dəfə Avropa çempionu olub. Xatırladaq ki, əvvələr 60 və 65 kq çəkilərdə çıxış edərək 3 qat dünya və Avropa çempionu olan Hacı Əliyev bu dəfə isə yeni çıxış etdiyi 70 kq-da tarix yazıb. Start günün daha bir qəhrəmanı isə Maqomedxan Maqomedov (97 kq) olub. Rzazadədən və Əliyevdən fərqli olaraq, Maqomedov finalı uda bilməyib. Finalda gürcüstanlı rəqibi Qivi Matçaraşviliyə minimal hesabla (3:4) uduzan Maqomedov ötən il qazandığı çempionluq titulunu özündə saxlaya bilməyib. Beləliklə, Azərbaycan güləş üzrə Avropa çempuionatının ilk iki gününü 3 medalla (2-1-0) başa vurub. 

İNTİQAM Məmədov