Bu gün qadın voleybol klubları arasında Azərbycan çempionatının final seriyasında sayca 3-cü görüş keçiriləcək. Bakı Voleybol Mərkəzində təşkil ediləcək bu görüşdə hazırki Azərbaycan çemöionu "Abşeron"la ölkə voleybolunun flaqmanı sayılan "Azərreyl" qarşılaşacaq. Oyun saat 15:30-da başlayacaq. Xatırladaq ki, final seriyasında baş tutan ilk iki qarşılaşmada "Azərreyl" qalib gəlib. Reqlamentə görə, final seriyası rəqiblərdən hər hansı birinin 3-cü qələbəsinədək davam edəcək. Odur ki, əgər bu gün də "Azərreyl" qalib gələrsə, onda reqlamentdə döstərildiyi kimi 3-cü qələbəsinə qazanmış komanda kimi Azərbaycan çempionu adını özünə təmin edəcək. Əks halda seriya davam etdiriləcək. Bu gün qadınlar arasında 3-cü yer uğrunda da görüş keçiriləcək. İlk iki görüşdə UNEC-i məğlub edərək 2:0 hesabla irəlidə olan "Murov" şübhəsiz ki, bu gün 3-cü qələbəsini qazanaraq, bürünc medalı özünə təmin etməyə çalışacaq. 

Aprelin 20-də isə kişi voleybol klubları arasında analoji oyunlar keçiriləcək. Azərbaycan Voleybol Federasiyasından verilən məlumata görə, saat 14:00-da Bakı Voleybol Mərkəzində "Neftçi" ilə MOİK arasında 3-cü yer uğrunda üçüncü görüş başlanacaq. Saat 16:00-da isə eyni məkanda çempionluq uğrunda "Xarı-bülbül"lə "Murov" qarşılşacaq. Xatırladaq ki, ilk iki qarşılaşmadan sonra "Xarı-bülbül"lə "Neftçi" ümumi hesabda 2:0 irəlidir. Odu ki, bu oyunlarla həm final, həm də üçüncülük uğrunda görüşlərə yekun vurula bilər. 

İNTİQAM Məmmədov