Yalnız Gülnar Məmmədova 25-ci ola bilib

Çernoqoriyanın Petrovatse şəhərində qadın şahmatçılar arasında keçirilən və Dünya Kubokuna seçmə xarakteri daşıyan şəxsi Avropa çempionatı başa çatıb. 14 Azərbaycan təmsilçisi də daxil olmaqla 136 şahmatçının mübarizə apardığı çempionatın qalibi adını 11 turdan sonra 8,5 xal toplayan gürcüstanlı Meri Arabidze qazanıb. Onunla eyni xal ehtiyatına malik olan polşalı Olivie Kiolbasa ikinci yeri tutub. İlk üçlüyü polşalı Aleksandra Maltsevskayanın tamamladığı çempionatda Azərbaycan təmsilçiləri arasında nisbətən yaxşı nəticəni Gülnar Məmmədova göstərib ki, o da 7 xalla yalnız 25-ci yeri tuta bilib. Digər təmsilçilərimizə gəlincə, ötən il analoji çempionatın üçüncüsü olan Ülviyyə Fətəliyeva 6,5 xalla 40-cı, hazırki Azərbaycan çempionu Gövhər Beydullayeva 6 xalla 43-cü, onunla eyni xal ehtiyatına malik olan və ötən ilin Avropa ikincisi adını daşıyan Günay Məmmədzadə isə 46-cə pillədə qərarlaşıb. Hərəyə 5,5 xal yığan Xəyalə Abdulla, Türkan Məmədyarova və Ləman Hacıyeva müvafiq olaraq, 64, 66 və 76-cı yeri tutub. Aktivində 5 xalı olan Nərmin Abdinova və Ayan Allahverdiyeva isə 90-91-ci yerləri bölüşüb. Mələk İsmayıl ()4,5 xal

102-ci, Səbinəa İbrahimova ()4 xalК 113-cü, Nazlı Hümbətova (4 xal) 119-cu, Lalə Hüseynova (3,5 xal) 124-cü, Xanım Balacayeva (3 xal) isə 130-cu olub. 

Xatırladaq ki, AÇ-2023-də ilk 9 yeri tutan şahmatçı iyilun 29-da Bakıda startı veriləcək Dünya Kubokuna vəsiqə qazanıb. 

İNTİQAM Məmmədov