Gövhər Beydullayeva hələki 8-cidir
Çernoqoriyanın Petrovatse şəhərində qadın şahmatçılar arasında keçirilən və Azəbaycan təmsilçilərinin də iştirak etdiyi şəxsi Avropa çempionatı davam edir. Dünya Kubokuna seçmə xarakteri daşıyan və 14 azərbaycanlı şahmatçının mübarizə apardığı bu çempionatda artıq 7 tur geridə qalıb. Hesabat turunda şahmatçılarımızdan 6-sı qalib gəlib, 3-ü heç-heçə oynadıqı halda 5-i isə məğlubiyyətlə üzləşib. Turu qələbə ilə bitirənlər arasında Gövhər Beydullayeva, Türkan Məmmədyarova, Ülviyyə Fətəliyeva, Səbinə İbrahimova, Mələk İsmayıl və Ayan Allahverdiyeva yer alıb. Hazıda 7 turdan sonra şahmatçılarımız arasında ən yaxşı göstərici ötən il analoji yarışın ikincisi olan Beydullayevaya məxsusdur. Aktivində 5 xalı olan Beydullayeva 8-ci (6-21-ci yerlər hamızı 5 xal toplayıb) pillədə qərarlaşıb. Hərəyə 4 xal toplayan Günay Məmmədzadə 38-ci, Gülnar Məmmədova 44-cü, Türkan Məmmədyarovasa 56-cı pillədə yer alıb. Ötən ilin bürünc mükafatçısı olan Ülviyyə Fətəliyva isə hələlik 3,5 xalla 69-cudur.
Qeyd edək ki, martın 18-də İsveçrə sistemi üzrə start götürən və 11 turdan ibarət olan çempionata martın 29-da yekun vurulacaq. Reqlamentə görə 136 iştirakçı arasında çempionatı ilk 9-luqda başa vuran şahmatçı Dünya Kubokunda iştirak etmək hüququ qazanmış olacaq. Dünya Kuboku isə iyulun 29-da Bakıda start götürəcək.
Bu gün çempionatda 8-ci turun partiyaları keçiriləcək. Maraqlı görüşlərdən birində Beydullayva ilə fransalı Deimante Daulite-Kornet qarşılaşacaq. Qeyd edək ki, rəqib 5 xalla yarış cədvəlində 18-cidir. Reytinq göstəricisinə görə Gövhər favorit sayılır. Çünki, Beydullayva reytinq göstəricinə gğrə 136 iştirakı arasında 21-ci, rəqibsə 36-cıdır.
İNTİQAM Məmmədov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.