Yağmur Məmmədli gümüş, Mərziyyə Nurmətovasa bürüncə sahib çıxıb

Yeniyetmə və gənc stolüstü tennisçilərdən ibarət seçmə komandamız Türkiyədə keçirilən “Pro-Tur” yarışında mübarizə qatılıb. Antalyada təşkil olunan turnirdə 10 idmançımız iştirak edir. Qeyd edək ki, yarışda ilk olaraq qızlar mübarizə aparıblar. Martın 19-dan 22-dək keçirlən qızların yarışında ölkəmiz baş məşqçi Fərhad İsmayılovun rəhbərliyi altında Ləman Abdulhəmidova, Zemfira Mikayilova, Arzu Aslanova, Mərziyyə Nurmətova, Aylin Əsgərova və Yağmur Məmmədlidən ibarət heyətlə təmsil olunub. İdmançılarımızdan ikisi - Yağmur Məmmədli və Mərziyyə Nurmətova daha yaxşı çıxış edərək turnirin mükafatçıları arasında yer alıb. Məmmədli gümüş, Nurmətovasa bürünc medal qazanıb.

Matın 22-dən etibarən oğlanların yarışına start veriləcək. Burada isə ölkəmiz Ramil Cəfərovla Elnur Hidayətzadənin rəhbərliyi altında Rüstəm Hacılı, Hüseyn Eylazov, Onur Quluzadə və Adil Əhmədzadə ilə təmsil olunacaq.

İNTİQAM Məmmədov