Rumıniyanın paytaxtı Buxarestdə 23 yaşlı güləşçilər arasında keçirilən və Azərbaycan idmançılarının da iştirak etdiyi Avropa çempionatının 6-cı günü də güləşçilərimiz üçün uğurlu olub. Belə ki, bir gün öncə mübarizəyə qatılan sərbəst güləşçimiz Maqomed-Başir Xaniyev (70 kq)  bütün görüşlərini qələbə ilə başa vuraraq, öz yaşıdları arasında Avropa çempionu adını qazanıb. Xatırladaq ki, 1/8 finalda ukraynalı Narek Poqosyandan güclü olan (8:3) təmsilçimiz 1/4 finalda avstriyalı Benedikt Huberə (11:1) tam üstünlüklə qalib gəlib. Daha sonra yarımfinalda gürcüstanlı Davit Patsinaşvilini də (7:4) üstələyərək finala vəsiqə qazanan Xaniyev həlledici finalda isə Hayk Papikyanı döşəyə çıxmaqa peşiman edib. 

Daha bir finalçımız - Rəşid Babazadə (65 kq) zədə üzündən final qarşılaşmasına çıxa bilmıHazırda güləşərək la qarşılaşmasına çıxa bilməyib və nəticədə də gümüş medalla kifayətlənib. Hazırda daha iki güləşçimizi medal uğrunda görüş gözləyir. İslam İlyasov (97 kq) finalda qızıl, Səbuhi Əmiraslanovsa (79 kq) bürünc medalı əldə etməyə çalışacaq. 

Yeri gəlmişkən, bu gün döşək üzərinə çıxan güləşçilərimizdən isə Turan Bayramov (74 kq) finala yüksəlib. O, sabah qızıl medal uğrunda güləşəcək. Fərid Cabbarovsa (86 kq) bürünc medalı əldə etməyə çalışacaq. 

Geridə qalan 6 gündən sonra Azərbaycan güləşçiləri ümumilikdə 9 (4-3-2)medal qazanıblar. Sabah çempionata yekun vurulacaq. Azərbaycanın aktivindəki medalların isə sayı daha da artacaq. 

İNTİQAM Məmmədov