Rumıniyanın Arad şəhərində yeniyetmə və gənc boksçular arasında keçirilən "Drakula Open" turniri başa çatıb. Azərbaycan Boks Federasiyasından verilən məlumata görə, 25 ölkəni təmsil edən 361 idmançının mübarizə apardığı turnirə 34 boksçu ilə qatılan Azərbaycan yığması bu gün vətənə 7-si qızıl, 3-ü gümüş və 8-i bürünc əyarlı olmaqla 18 medalla qayıdıb. Bu medallardan 11-i yeniyetməlrin, 7-si isə gənclərin payına düşüb. Turnirin ən diqqətçəkən məqamı 9 yeniyetmə boksçumuzun finala yüksəlməsi və iki finalınsa Azərbaycan boksçularının iştirakı ilə baş tyutması olub. Qeyd edək ki, Azərbaycan finalında Əli Baxışov (46 kq) Bilalhəbaşi Nəzərova, Tərlan Əhmədovsa (63 kq) Kənan Aslanlıya qalib gələrək birinci yeri tutub. Qalan 5 finalçımız isə ev sahibləri ilə qarşılaşıblar. Bu 5 qarşılaşmadan 4-də Azərbaycan boksçusu qalib gəlib. Finalçılarımızdan Sübhan Babayev (48 kq), Elburus Kərimli (54 kq), Orucəli Cavadzadə (57 kq) və Mirhəsən İbrahim (60 kq) həlledici final döyuşunu də qələbə ilə başa vuraraq turnirin qalibi adını və qızıl medalını qazanıb. Rumınlarla qarşılaşan finalçılarımızdan yalnız İlkin Məmmədli (+80 kq) həlledici döyüşünü uduzaraq ikinci yeri tutub və gümüş medalla kifayətlənib. Daha iki yeniyetmə boksçumuz - Vaqif Hacıyev (57 kq) və Rüstəm Neymətov (6 kq) turnirdə üçüncü olmaqla bürünc medala sahib olub. Beləliklə, yeniyetmə boksçularımız 6 qızıl, 3 gümüş və 2 bürünc medal qazanıblar. 

Gənclərə gəlincə, yalnız Ömər Aslanlı (54 kq) bütün döyüşlərini qələbə ilə başa vuraraq, turnirin qalibi olub. O, finalda ukraynalı Rəsul Quliyevi üstələyib. Gənclər yığmasının aktivinə yazılan bürünc medallar isə Rauf Məmmədov, Ramal Yolçuyev (hə ikisi 48 kq), Məhəmmədəli Qasımzadə (57 kq), Aslan Quliyev (63,5 kq), İlfan Xəlili (80 kq) və Səbuhi Əlizadənin (92 kq) payına düşüb. Beləliklə də, gənclər yığmamız Rumıniya turnirində 1 qızıl və 6 bürünc medal qazanıb. 

İNTİQAM Məmmədov