Fevralın 20-də Bolqarıstanın paytaxtı Sofiyada kişi və qadın boksçular arasında startı verilən və Azərbaycan təmsilçilərinin də qatıldığı A kateqoriyalı  "Strandj" beynəlxalq turnir artıq finişə yaxınlaşır. Bu gün turnirdə 1\4 final döyüşləri keçirilib. Azərbaycan Boks Federasiyasından verilən məlumata görə, bu gün rinqə çıxan azərbaycanlı boksçu Məhəmməd Abdukllayev (+92 kq) hindistanlı rəqibi Narenderi məğlub edərək adını yarımfinala yazdırıb - 4:1. Boksçumuz bu mərhələyə yüksəlməklə turnirin bürünc medalını özünə təmin edib. O, sabah finala şıxmaq uğrunda özbəistanlı Bahodir Jalolovla qarşılaşacaq. 

63,5 kq-da rinqə çıxan təmsilçimiz  Malik Həsənovsa 1\4 finalda Mujibillo Tursunovla (Özbəkistan) qarşılaşacaq. Qadın boksçumuz Zeynəb Rəhimovasa (54 kq) yarımfinala çəxmaq üçün argentinalı Mixaela Roblesi üstələməyə çalışacaq. Daha bir qadın təmsilçimiz - Aynur Rzayeva (+81 kq) isə hinsitanlı Monikanla yarımfinal döyüşünə çıxacaq. Qeyd edək ki, Aynud da Məhəmməd kimi, artıq bürüncü özünə təmin edib. Qeyd edək ki, sayca 74cü dəfə keçirilən bu turnirdə Azərbaycan da daxil olmaqla 42 ölkədən 470 boksçu iştirak edir. 

Turnirə fevralın 27-də final döyüşləri ilə yekun vurulacaq. 

İNTİQAM Məmmədov