Bu gün sərbəst güləş üzrə millimiz Dağıstana yollanıb. Bu səfərdə əsas məqsəd Mahaçqalada təlim-məşq toplantısı keçmərdir. Azərbaycan Güləş Federasiyasından verilən məluamata görə, bu toplanız qarşıdakı Avropa çempionatına hazırlıq xarakteri dasıyir. Baş məşqçi Namiq Abdullayev və böyük məşqçi Zəlimxan Hüseynovun rəhbərliyi altında keçiriləcək bu TMT-yə 19 güləşçi cəlb olunub. 19-luqda isə Əliabbas Rzazadə, Nurəddin Novruzov (hər ikisi 57 kq), Ayxan Abdullazadə (61 kq), Hacı Əliyev, Əli Rəhimzadə, Rəşid Babazadə (hamısı 65 kq), Maqomed-Başir Xanıyev (70 kq), Turan Bayramov, Cəbrayıl Qadjiyev, Xadjimurad Qadjiyev (hamısı 74 kq), Səbuhi Əmiraslanov (79 kq), Abubakr Abakarov, Fərid Cabbarov, Əşrəf Aşırov (hamısı 86 kq), Osman Nurmaqomedov, Abdulcəlil Şabanov (hər ikisi 92 kq), Maqomedxan Maqomedov, İslam İlyasov (hər ikisi 97 kq) və Vaxit Qalayev (125 kq) yer alıb.

Qeyd edək ki, toplanış martın 9-dək davam edəcək.  

Yeri gəlmişkən, yunan-Roma güləşi üzə yığmamız isə fevralın 20-də Zaqreb (Xorvatiya) toplanışını bitirərək Vətənə  dönüb. Həmin toplanış da qarşıdakı qitə çempionatına hazırlıq xarakteri daşıyıb.  klassiklərimizin Zaqreb toplanışında ev sahibi Xorvatiya ilə yanaşı, Finlandiya, Özbəkistan, Litva, Danimarka, Niderland, Çexiya, İsveç, Qazaxıstan, Estoniya, Almaniya, Macarıstan, Fransa, ABŞ, Yaponiya, Bolqarıstan, Çin, İsveçrə, Polşa, Əlcəzair, Rumıniya, Avstriya və Norveç komandaları da iştirak edib.  

İNTİQAM Məmmədov