11 şahmatçı qadın arasında keçirilən və mükafat fondu 15 min manat təşkil edən Azərbaycan çempionatına yekun vurulub. Ölkə çempionu adını isə 11 oyundan 7,5 xal toplayan Gövhər Abdullayeva qazanıb. Qeyd edək ki, ötənilki uğuruna yenidən imza atan Beydullayeva dalbadal ikinci dəfə Azərbaycan çempionu olub. Bununla da ötən mövsümü uğurlu nəticələrələ başa vuran Gövhər yeni mövsümə - 2023-cü ilə də uğurla başlayıb. Çempionatda ikinci yeri 7 xalla Xanım Balacayeva, üçüncü yerisə ondan yarım xal geri qalan Səbinə İbrahimova tutub. Reqlamentə uyğun olaraq, çempionatın qalibi 5 min manat mükafat qazanıb. 

Haşiyə: Xatırladaq ki, 2022-ci ildə Sloveniyanın Çatej şəhərində qadınlar arasında keçirilən Avropa çempionatında 11 oyundan 7 xal toplayaraq yığmamızın üzvləri arasında ən yüksək nəticə göstərməklə yanaşı, həm də qadınlar arasında qrossmeyster adını qazanıb. 2022-ci ilin oktyabr ayında İtaliyanın Sardiniya adasında isə 20 yaşadək qızlar arasında keçirilən dünya çempionatında birinci olub və bununla da bu yaş kateqoriyasında qalib olan ilk azərbaycanlı şahmatçı kimi tarixə düşüb. 2019-cu ilin noyabr ayında Azərbaycanın gənclərdən ibarət şahmat üzrə yığma komandasının heyətində Çorumda (Türkiyə)keçirilmiş 16 yaşadək şahmatçılar arasında Dünya Şahmat Olimpiadasının qalibi olub.

Gövhər Beydullayeva 2021-ci ildən etibarən Azərbaycanın qadınlardan ibarət milli yığma komandasının üzvü olan Gövhər Beydullayeva 2021-ci ilin noyabr ayında ölkənin qadınlardan ibarət şahmat üzrə milli yığmasının heyətində Çatej (Sloveniya) şəhərində keçirilmiş Komanda Avropa çempionatında üçüncü yeri tutmaqla bürünc medalın sahibi olub. Ölkədaxili yarışlara gəlincə, 2012, 2013, 2015, 2016-cı illərdə yaşıdları arasında Azərbaycan çempionatının qalibi olan Beydullayeva 2019-cu ildə qadınlar arasında ölkə çempionatının bürünc,  2020 və 2021-ci illərdə gümüş, 2022-ci ildə qızıl medalını qazanıb.

İNTİQAM Məmmədov