Fevralın 2-də Ağgöl Milli Parkında “Ümumdünya Su-bataqlıq Əraziləri Günü”nə həsr olunmuş ekoloji maarifləndirici tədbir keçirilib.
Görüşdə Azərbaycan Respublikası Ekologiya və Təbii Sərvətlər Nazirliyinin, nazirlik yanında fəaliyyət göstərən Bioloji Müxtəlifliyin Qorunması Xidmətinin işçiləri, oriontoloji cəmiyyətin, Ağgöl Milli Parkının, 9 saylı Regional Ekologiya və Təbii Sərvətlər İdarəsinin əməkdaşları, Azərbaycan Turizm və Menecment Universitetinin müəllim və tələbələri, ictimaiyyət nümayəndələri və media qurumları iştirak ediblər.
AZpress.AZ- bölgə müxbiri xəbər verir ki tədbiri giriş nitqi ilə açan Ağgöl Milli Parkının direktoru Xəzər Məhərrəmov qonaqları salamlayaraq, Azərbaycanın ən önəmli qoruqlarından biri sayılan milli parkın yaranma tarixi və fəaliyyəti haqqında geniş məlumat verib.
Sonra söz Oriontoloji cəmiyyətin sədri Elçin Soltanova verilib. Elçin Soltanov çıxış zamanı Ağgöl Milli Parkının ölkədə ikinci su-bataqlıq ərazisi olduğunu və bu əraziyə xarakterik olan canlılar aləmi haqqında danışıb.
Oriontoloji cəmiyyətin üzvü Əbülfət Səmədov isə Ağgöl Milli Parkının yaranma əhəmiyyəti və burada “Qırmızı kitab”a daxil olan quşların, o cümlədən heyvanların mühafizəsinin yüksək səviyyədə təşkil olunduğunu vurğulayıb. Əbülfət Səmədov onu da əlavə edib ki, Böyük Ağgöl, Maraltəpə, Pirxantəpə, Qaraqobu, Quş bazarı, İmamqulugöl, Teymurgöl, Göytəpə, Şorgöl marşrutları vasitəsilə hər il yüzlərlə yerli və xarici turist milli parkın ərazisini ziyarət edir.
Azərbaycan Turizm və Menecment Universitetinin kafedra müdiri Hafiz Hüseynov belə görüşlərin əhəmiyyətli olduğunu qeyd edib, tələbələrin gəlməsi üçün yaradılan şəraitə görə qoruğun rəhbərliyinə öz minnətdarlığını bildirib.
Daha sonra Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidmətinin əməkdaşları Aysel Məmmədova və Elnur İbrahimov Ağgölün qorunması üçün görülən müvafiq tədbirlər barədə söz açıblar.
Sonda ekoturistlər milli parkın ərazisində yaradılan şəraitlə tanış olublar.
Fotomüxbir Mais Amin AZpress.AZ Ağcabədi.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.