Rafael Hüseyn:

 DAHA BİR UĞURUMUZ

Muzeyimizin əməkdaşı bizi xoş müjdə ilə sevindirdi.

Ali Attestasiya Komissiyasının qərarı ilə Nizami Gəncəvi adına Milli Azərbaycan Ədəbiyytaı muzeyinin Yeni və müasir Azərbaycan ədəbiyyatının tədqiqi və təqdimi şöbəsinin böyük elmi işçisi, filologiya üzrə fəlsəfə doktoru Göyərçin Mustafayeva Azərbaycan Respublikası Prezidenti yanında Ali Attestasiya Komissiyasının 20 oktyabr 2023-cü il tarixli qərarı ilə Azərbaycan ədəbiyyatı – 5716.01 ixtisası üzrə dosent elmi adına layiq görülüb.

Göyərçin Mustafayeva 2007-ci ildə “Əhməd Cavad yaradıcılığında milli istiqlal problemi” mövzuda fəlsəfə doktorluğu dissertasiyası müdafiə edərək Azərbaycan ədəbiyyatı – 5716.01 ixtisasından filologiya üzrə fəlsəfə doktoru elmi dərəcəsini alıb.

Göyərçin Mustafayevanın ümumilikdə 132 elmi məqalə və tezisi işıq üzü görüb ki, onlardan 15-i xarici jurnallar və beynəlxalq konfranslarda çap olunub.

G. Mustafayeva həmçinin bir kitabın və bir monoqrafiyanın müəllifidir.

2022-ci ildə akademik Rafael Hüseynovun geniş müqəddiməsi ilə işıq üzü görmüş “Türkün haqq bağıran səsi” monoqrafiyasında

G.Mustafayeva azad düşüncəni, sərbəst yaradıcı təxəyyülü buxovlayaraq zəncirləyən sovet istila dövrünün saysız repressiya qurbanlarından biri olan Əhməd Cavadın faciəli taleyi, istiqlal yanğısı ilə dolu ədəbi-bədii irsi araşdırılır. Şairin söz xəzinəsinə daxil olan ilk qələm təcrübələrindən tutmuş əsərlərinin nəşri və tədqiqi, yаrаdıcılığının mövzu və idеyа istiqаmətləri, pоеziyаsının sənətkаrlıq xüsusiyyətləri və bədii tərcüməçilik fəаliyyəti əksini tapmışdır.